والد حسام حبيب يفتح النار على مرتضى منصور: ما يبقاش ابنك شمام وتتكلم علي ابن الناس الخلوق

فتح حسين حبيب والد الفنان حسام حبيب النار على المستشار مرتضى منصور، بعد هجومه على نجله ووصفه بالشمام.

تحيا مصر يرصد هجوم والد حسام حبيب على مرتضى منصور. 

والد حسام حبيب يهاجم مرتضى منصور

وكتب حبيب عبر حسابه الرسمي بموقع التواصل الاجتماعي فيسبوك: يا مرتضي يا منصور مع اني بحبك وزملكاوي كبير، بس مايبقاش ابنك شمام مع اني بحبه وتتكلم علي ابن الناس الخلوق وتقول عليه شمام.. مش عايز اقول ربنا يخدك عشان الزمالك من بعدك هيضيع. 

والد حسام حبيب يكشف المستور عن نجله

وكان كتب والد حسام حبيب عبر حسابه الرسمي على موقع التواصل الاجتماعي فيسبوك عن ابنه: "أنت بتقول لما رجعت ليها العربيه واحد بيشتغل معاها اخد العربيه اللي بخمسه مليون وقالها هابقي اديكي بيها شغل، وواحد محاسب تعرفه قريب شكالها حاله اعطت له 100 الف دولار وخلع، وانها بتكتب شيكات للناس علي بياض".

وتابع: "انت كده بتدي مبرر لاهلها ليحجروا عليها وبتطلعها انها سفيهه وعبيطه، وانا من معرفتي بها انها واعيه ونصحه.. بتيجي تكحلها تعميها، اسأل ابوك يقولك تقول ايه".

وأضاف: "كنت عايزك تشتغل وتصرف علي بيتك عشان تكبر في نظر مراتك وتحترمك.. اخدت مني مليون جنيه عشان تشطب فيلتك وما تعيشش في بيت مراتك وقولت هردهملك".

وأردف: ومن ساعه ما اتطلقت وأنا بصرف عليك، ورايح تقول لعمرو أديب وتهاجمني لتاني مره
انك ماتعرفنيش من 14سنه.. اه ما بتعرفنيش الإ للمصلحه وعشان تاخد فلوس".

واختتم حديثه قائلًا: "قولت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه، بطل حجج وخليك راجل انت فعلا مش تربيتي انت تربيه واحده ست.. طلعت من بيت مامي علي بيت مراتك يا اخي عرتنا".