عايزهم يجيبولي حفيد صغير افرح بيه.. أول تعليق من والد حسام حبيب بعد عودة نجله لشيرين

أعرب حسين حبيب والد الفنان حسام حبيب عن سعادته بعودة نجله للفنانة شيرين عبد الوهاب داعيًا المولى عز وجل أن يرزقهما بمولود.

تحيا مصر يرصد تعليق والد حسام حبيب على عودة نجله لشيرين عبد الوهاب. 

والد حسام حبيب يهنأه على عودته لشيرين 

وكتب والد حسام حبيب عبر حسابه الرسمي بموقع التواصل الاجتماعي فيسبوك: "ببارك لحسام وشيرين.. وبدعيلهم يجيبولي حفيد صغير افرح بيه".

والد حسام حبيب يفتح النار على نجله

وكان كتب والد حسام حبيب عبر حسابه الرسمي على موقع التواصل الاجتماعي فيسبوك: "أنت بتقول لما رجعت ليها العربيه واحد بيشتغل معاها اخد العربيه اللي بخمسه مليون وقالها هابقي اديكي بيها شغل، وواحد محاسب تعرفه قريب شكالها حاله اعطت له 100 الف دولار وخلع، وانها بتكتب شيكات للناس علي بياض".

وتابع: "انت كده بتدي مبرر لاهلها ليحجروا عليها وبتطلعها انها سفيهه وعبيطه، وانا من معرفتي بها انها واعيه ونصحه.. بتيجي تكحلها تعميها، اسأل ابوك يقولك تقول ايه".

وأضاف: "كنت عايزك تشتغل وتصرف علي بيتك عشان تكبر في نظر مراتك وتحترمك.. اخدت مني مليون جنيه عشان تشطب فيلتك وما تعيشش في بيت مراتك وقولت هردهملك".

وأردف: ومن ساعه ما اتطلقت وأنا بصرف عليك، ورايح تقول لعمرو أديب وتهاجمني لتاني مره
انك ماتعرفنيش من 14سنه.. اه ما بتعرفنيش الإ للمصلحه وعشان تاخد فلوس".

واختتم حديثه قائلًا: "قولت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه، بطل حجج وخليك راجل انت فعلا مش تربيتي انت تربيه واحده ست.. طلعت من بيت مامي علي بيت مراتك يا اخي عرتنا".

تحدث الفنان حسام حبيب عن علاقته بالفنانة شيرين بعد عودتهما لزواجهما رسميًا، حيث أكد ساخرًا أنها «هتاكلني علقة دلوقتي»، مشيرًا إلى أن مشاجرتهما تمر وتمضي سويًا.

وأَضاف في مداخلة هاتفية مع الإعلامي عمرو أديب في برنامج الحكاية: «هي اللي اقنعتني وكلوني علقة عشان الموضوع ده، اتفقنا أن إحنا كل واحد يركز في حياته واتفقنا على كل واحد فينا يبسط التاني بيه، وقررنا أن حياتنا لينا إحنا بس».

وتابع: «رسالة للناس عذرتكم لاني كمان بحبحها زيكم وهي مرة باوقات صعبة ومش هعرف ادافع عن نفسي وخلي الناس تدعيلنا».