حسام حبيب: أنا وشيرين وعدنا بعض إن كل واحد هيشرف التاني

أعرب المطرب حسام حبيب عن سعادته بـ عودته لـ شيرين عبد الوهاب، والتي كانت مفاجأة جديدة للجمهور فجرتها الفنانة خلال برنامج الحكاية المذاع على قناة mbc مصر.

تحيا مصر يرصد في ذلك التقرير تفاصيل عودة حسام حبيب لـ شيرين عبد الوهاب

حسام حبيب يكشف تفاصيل عودته لـ شيرين عبد الوهاب

قال حسام حبيب خلال مداخلة هاتفية لـ برنامج الحكاية: “انا وشيرين خناقتنا بسيطة جدا، وبتحصل بين أي زوجين بس الناس هي اللي كبرت الموضوع”.

وأضاف: "حطينا شروط  لرجوعنا لبعض واتكلمنا في كل الأمور اللي كانت سبب في انفصالنا ووعدنا بعض إن كل واحد هيشرف التاني، وحياتنا خاصة بنا.

حسام حبيب يدعم شيرين عبد الوهاب

وسبق وأن وجه حسام حبيب رسالة لـ شيرين عبد الوهاب، قال فيها: “لو متعلمتيش الدرس المرة دي يبقى انتي اللي عايزة كدة لأن مفيش بعض اللي حصل حاجة تتعمل خلاص، انتي هتعملي اي في حياتك لازم حياتك دي تتغير وتتنسف حتى لو أقرب الناس كدة، لو كان الناس اللي حوليا بيدمروني كدة كنت هسيبهم، انتي نجاحك أكبر منك بكتير وعندك حاجات كتير معلمتهاش".

 وعن ما يمكنه حسام حبيب فعله لـ شيرين: “أنا مخي مشلول ودلوقتي معنديش حاجة أقولها غير أفوض أمري لله، أهلي صعبانين عليا جدا وهما أنضف بكتير من اللي بيحصل ده أنا بقيت أتكسف أروحلهم، وأنا معرفتش أحتوي شيرين ودا غلطتي".

خروج شيرين من المسشتفى

 من ناحية أخرى، خرجت الفنانة شيرين عبد الوهاب من المستشفى في مساء يوم الخميس، بعد انتهاء فترة علاجها من الإدمان والمرض النفسي، وصرح ياسر قنطوش محامي الفنانة عن خروجها للجمهور خلال الفترة القليلة المقبلة بفيديو لـ تطمئنهم على حالتها الصحية، وأكد مصطفى كامل نقيب المهن الموسيقية، حديث ياسر قنطوش، في بيان أصدره في نفس الساعات أكد أن شيرين في منزلها وتواصل معها لـ أكثر من نصف ساعة.

وطمأنت شيرين عبد الوهاب الجمهور على حالتها الصحية، فقالت: أنا زي البومب وحلوة خالص، في ناس بيبقى بيحبه ناس كتير كدة وشعوب بتقوم وتقعد وفي وسط مشاكلهم فكرني، أنا سعيدة بيكم وربنا ميحرمنيش منكم، أنا كويسة بس لسة بخضع لعلاجي النفسي اللي بخضعله من ساعة ما ولدت بناتي، ومش محتاجة لـ رعاية طبية، وصوتي باين عليه".