هدير أتجوزت 4 مرات وكل مرة يتضحك عليها من العريس " ...أعرف القصة كاملة

" الناس بيقولولي أنتي مبيعشلكيش راجل وأهلي فاكرني بحب أجرب الرجالة " ... بتلك الكلمات روت هدير لتحيا مصر في بث مباشر عن زيجاتها الأربعة التي تنتهي كل واحدة منهم بأسباب مأساوية يتسبب فيها الطرف الأخر حتي بقيت وحدها ترعي طفلتها الصغيرة بعيدا عن مكر الرجال .

تحيا مصر

أول جوازة ليا كانت عرفي وكان عندي 17 سنة 

بدأت هدير حديثها لتحيا مصر :" كان عندي 17 سنة لما اتجوزت أول جوازة ليا وكانت عرفي عشان لسة مكملتش السن القانوني للجواز الرسمي وبعد سنة قلبنا الجوازة رسمي كنت فاكراه راجل وهيحافظ عليا ويعيشني مرتاحة زي ما كان بيوعدني لكن أتفاجأت أنه فضل قاعد في البيت من غير لا شغلة ولا مشغلة وخلاني أنا اللي أصرف علي البيت لكن أنا مكنش عاجبني الوضع وكانت الفلوس اللي أجبها من شغلي أصرف بيها علي نفسي وعلي البيت وهو مديلوش حاجة  لحد ما حملت منه ولقيته بيقولي " دي مش بنتي دي بنت حرام " عشان مكنش عايزها زي منا مش عايزة أصرف عليه وبعد مشاكل وخلافات طويلة أتطلقنا وأعترف بالبنت وسجلها بأسمه ".

الجوازتين التانيين واحد كان بتاع أمه والتاني مدمن " شابو " 

وتابعت هدير :" بعد كدة اتجوزت عشان بقي معايا بنت من جوزي الأولاني ومحتاجة راجل يكون جنبي أنا وهي ويصرف علينا اتجوزت واحد وطلع بيخاف من أمه ولو قالتله متأكلش مراتك ألاقيه فعلا مبيأكلنيش  والتاني أكتشفت بعد الجواز أنه مدمن " شابو "ومخليه بني أدم مش طبيعي ومضيع عليه كل فلوسه وبرضه خلاني أنا اللي أصرف عليه لحد ما أتطلقت لتالت مرة ".

أخر عريس كنت فكراه شاب صغير وطلع راجل عجوز 

وأستكملت :" أخر جوزاة ليا كنت خلاص فقدت الأمل في كل الرجالة لحد ما أهلي قالولي أني متقدملي عريس وشاب صغير وهيحافظ عليكي أنتي وبنتك ووافقت وودخل عليا وحملت منه من ليلة الدخلة وبعد كام يوم أتفاجأت أنه عنده 55 سنة وكان جاي يتقدملي أول مرة وهو صابغ شعره ومغير في شكله  قعدت معاه 14 يوم بس وبعدها أتطلقنا عشان كانت جوازة مبنية علي كدب وأنا الكلام ده ميلزمنيش ".

أهلي بيعايروني أني مبيعيشليش راجل 

وأختتمت :" أهلي بيعايروني أني مبيعشليش راجل وفاكرني بتجوز عشان أجرب الرجالة وأنبسط أنا لسة في أول شبابي وعندي 24 سنة بس ومكملتش تعليمي من سنة أولي أبتدائي بقيت أغير من البنات اللي في سني اللي جوازاتهم ناجحة ومتعلمين وأنا مش وحشة ولا فيا حاجة تتعاب عشان أعيش أقل منهم حتي الرجالة الأربعة اللي أتجوزتهم كانوا شاهدين أني مقصرتش معاهم في حاجة وهما لسة عايزني أرجعلهم لحد أنهاردة لكن أنا اللي بخرجه من حياتي مش برجعله تاني