كارول سماحة: بدأت الغناء وأنا عندي 30 سنة وكل علاقاتي العاطفية فشلت بسبب غيرتهم من شغلي

تحدثت المطربة كارول سماحة عن بدايتها مسيرة الغناء، لتكشف لأول مرة أنها دخلت مجال الغناء وهي في سن الـ 30 عام.

تحيا مصر يرصد في ذلك التقرير تصريحات كارول سماحة مع أنغام

كارول سماحة: مش بتأثر برأي حد وبعمل اللي مقتنعة بيه

قالت كارول سماحة خلال حلولها ضيفة عبر برنامج أنغام ، الذي يحمل نفس اسمها ويذاع على قناة dmc: من 20 لـ 30 سنة كنت مكرسة حياتي للمسرح، وكان أول البوم ليا كان عمري 30 سنة، ومدير أعمالي اللي شجعني إني اطلع من المسرح لـ أكون نجمة غناء، فكنت عاقلة إني أختار أغنياتي بنفسي، ومش بتأثر برأي حد، ومكنتش بغني أي أغنية إلا أما أكون مقتنعة بيها.

وتابعت: "أما كانو بيقولوا ان الوقت ده عايز كذا وعايز كذا، فكنت بسمعلهم، ومرة سمعت ألبوم ليا لقيت فيه أغاني مش لايقة على بعض 

كارول سماحة: مفيش علاقة عاطفية دخلتها كملت لأن الرجالة كانوا بيغيروا من شغفي وشغلي 

وكشفت كارول سماحة سبب فشلها في علاقتها العاطفية، فقالت: “كل أما أدخل في علاقة عاطفية مكنتش بتظبط بسبب شغلي لأن الفن كان أولوياتي، والرجالة اللي عرفتها كانوا بيغاروا من شغفي وشهرتي لأنهم ديما كانو بيحسوا إنهم رقم اتنين في حياتي وواحد مرة قالي الموسيقى مش مهم بالنسبة قررت مشوفش وشه تاني”.

وتابعت: أغنية أجواء الشهرة بتعبر عن إن  ليه المرأة بتتهنى بعلاقة عاطفية بسبب مهنتها زي ما الرجل، مهنتها أساسية في تكوين شخصيتنا".

كارول سماحة: بقينا في عصر استهلاكي بيتحكم بالتريند وبقيت أخاف على ولادي منه

وأعربت كارول سماحة عن استيائها من العصر الحالي في اختيار الأغاني، فقالت: الأغنية السطحية بقت تغلب اللي فيها قيمة بسبب السوشيال ميديا، وإحنا بقينا بعصر استهلاكي بيتحكم بالتريند والتيك توك، وبقيت طول الوقت بخاف على ولادي من المجتمع ده.

وتحدث كارول عن اختيارها في أعمالها الفنية للأعمال التي تؤيد المرأة، فقالت: "أنا اللي ألفت وكتبت أغنية أنا سحراك عشان أعبر عن ثقتي بنفسي كأنثى سواء بوجود راجل في حياتي أو بدونه، أما عن أغنية حدودي السما، كنت بقول للمؤلف عايزةأعمل أغنية تانجو اللي بيعبر عن مرأة قوية بتقلب الطرابيزة، وهو استوحاها من شخصيتي فطلعت كويسة، وأنا بميل للأغاني اللي بتعبر عن المرأة والتحدي بين المرأة والرجل".