كارول سماحة: كتبت أغنية أخونك لأني كنت عايزة انتقم وأغنية رجعالك بصمة في حياتي

كشفت الفنانة كارول سماحة أنه تحب أن تقوم بكتابة الأغاني لنفسها، لأنها تُعبر عما يدور بداخلها.

تحيا مصر يرصد لكم تصريحات الفنانة كارول سماحة

وقالت كارول خلال استضافتها في برنامج أنغام والتي تُقدمه الفنانة أنغام عبرقناة دي أم سي: أنا بكتب الأغاني لنفسي لما يكون عندي فكرة أعبر عنها.

كارول سماحة: كنت عايزة انتقم في اغنية أحونك

وتابعت: أغنية اخونك كتبتها لنفسي وكنت مريت بالتجربة دي زمان وكنت عايزة انتقم وكنب بقول في الأغنية هخليك تعيط وتركع وفي آخر الأغنية بقوله مش قادرة اخونك.

وأضافت: كتابتي للأغنية بيفرق جدًا خاصةً لو مرأة اللي كتبت عن نفسها عشان بتفكر في احاسيس الراجل.

وتابعت:  الرجل الشاعر مش هيعرف يعبر عن احاسيس المرأة وخاصةً في الوجع والعلاقات وبيكون ليهم وجهات نظر مختلفة.

كارول سماحة: أخترت أغنية رجعالك لسبب

واستكملت: معظم الأغاني بتاعتي بعيش الحالة واخترت اغنية رجعالك عشان لسبب أن كان في انفصال وعودة، وأنا بتأثر بالأغنية وبختارها حسب حالتي.
واستطرت: خدت من عمرو مصطفى أغنية رجعالك لأنها مميزة جدًا وبعتبر الأغنية بصمة في أغنياتي المصرية.

كلمات اغنية أخونك:

حط نفسك يوم مكاني.. عشان تحس اللي كواني
ياللي هزتلي كياني .. فـ عذابى هفكرك
هشغل بالك ف ثواني.. واحرم قلبك حناني
ياللي هزتلي كياني فـ بعادي هدمرك
هخونك هنزل دموع من عيونك
هخونك وهيجي يوم واشوف جنونك
يا سايبنى يا جارحني مـ الحب هحرمك
لو الزمن يرجع تانى .. مكنتش ابني انا احلامي
ما هو حد زيك يا اناني انا من حياتي بطلعك
غلطة حياتي انى عشقتك .. حبيت عيوبك وقبلتك
وياريتنى اصلا ما قابلتك انا مـ النهارده بودعك
انا عزة نفسي اه اه تعباني
ابعد وسيبني وروح .. قلبي انا مجروح
قفلت الصفحه خلاص خلاص انساني
قتلت فيا حاجه .. ضيعتنى بأيديك
وياما قسيت عليا ولسه قلبي عليك
لو الزمن يرجع تانى .. مكنتش ابني انا احلامي
ما هو حد زيك يا اناني انا من حياتي بطلعك
غلطة حياتى انى عشقتك .. حبيت عيوبك وقبلتك
وياريتنى اصلا ما قابلتك انا مـ النهارده بودعك
ابعد وسيبني وغيب .. مبقتش ليا حبيب
انا عزة نفسي اه اه تعباني
ابعد وسيبني وروح .. قلبي انا مجروح
قفلت الصفحه خلاص خلاص انساني
مش هخونك لاني متعودش قلبي فـ يوم يخونك
كل الحكايه حابه اشوف دمع فـ عيونك
مش هخونك .. مش هخونك