كارول سماحة: مش بخلي ناس توكسيك في حياتي ووالدي وقف معايا عشان أدخل المجال الفني

تحدثت الفنانة كارول سماحة عن بدايتها الفنية وحبها للغناء مُنذ الصغر وتشجيع والدها لها من اجل الدخول للمجال الفني.

تحيا مصر يرصد لكم تصريحات الفنانة كارول سماحة
وقالت كارول خلال استضافتها في برنامج انغام التي تُقدمه الفنانة أنغام عبر قناة دي أم سي في يومي الخميس والجمعة من كل أسبوع: أنا بهتم جدًا بصحتي وبحب اعمل رياضة كتير، بس انا سيئة جدصا في مواعيد نومي ونومي خفيف وقليل

وأضافت: بشكل عام أسلوب حياتي بعيد تمامًا عن الحاجات الضارة والسامة، حتى مع الاشخاص مش بحب أخلى ناس توكسيك في حياتي وبختار دايمًا الناس اللي عندها سلام نفسي مش يجيبلي سم في حياتي

ووجهت كلامها لانغام قائلة: أنتي كمان يا أنغام اعتقد بتختاري ناس معينة في حياتك ومش بتختلطي بناس كتير وديرتك صغيرة.

كارول سماحة: بحب أسمع موسيقى الروك والجاز

وتابعت: في معظم اوقاتي بسمع الموسيقى وبحب أمسع موسيقى متنوعة، من أقصى الغربي لاقصى الطرب، وأنا بحب أسمع أغاني الروك والجاز.

واستكملت: أنا درست واتعلمت آلة الكمان لمدة 4 سنوات، وكانت الآلة صعبة جدًا وعايزة مذاكرة كتير وكنت بالحرب اللبنانية ووالدي كان بياخدي على الكورس وقت القصف و مُدرستي مشيت من الكورس وهربت وساعتها انا وقفت وندمت اني وقفت.

كارول سماحة: بابا توفى قبل ما يشوفني فنانة

واستطرت: كنت طفلة وبابا كان مستني حد من ولاده يكون صوته حلو وكان واقف معايا عشان يدخلني المجال بس توفى قبل ما يشوفني فنانة وكان بيعرفني على الموسيقى وعرفني على ثقافات كتير.

آخر اعمال كارول سماحة

وكانت آخر أعمال الفنانة كارول سماحة هو فيديو كليب أغنيتها إجازة وهى من إخراج بتول عرفة، وكلمات أحمد حسن راؤول، ألحان محمد رحيم، وتوزيع سليمان دميان.

كلمات اغنية إجازة

خدنا الأجازة وخلاص
ننسى الضغوط دي يا ناس
وضبنا شنطتنا اهو وكله جاهز تمام
قعدتنا اخر مزاج
ضحك وهزار واندماج
لمة وسهر فيلم حلو ومحدش ينام
اه لالالاا تعبنا كتير أخيرا خدنا أجازة
اه لالالا مفيش تليفون نرد عليه
اه لالالا حلو التغيير وهمنا مالهوش عازة
اه لالالا نروّق يوم هيحصل ايه
بتروح وتيجي الفلوس
بس اللي باقي النفوس
دي الرحلة بالناس وبالناس بنقدر نعيش
ها احنا ايه ف جيبنا كام
هنعيش اللحظة وتمام
مش فارقة عادي احنا بنعيشها لو كان مفيش