هدى عمار: في منتجين كانوا بيخلفوا كلامهم معايا.. وعدم الوفاء بالكلمة بالنسبالي مش رجولة

كشفت الفنانة هدى عمار عن السبب وراء منشورها على فيسبوك عن الرجالة، وذلك خلال استضافتها في برنامج كلام الناس.

تحيا مصر يرصد لكم تصريحات الفنانة هدى عمار

وقالت هدى مع الإعلامية ياسمين عزعبر برنامج كلام الناس الذي يُعرض عبر قناة أم بي سي مصر: أنا ساعات بتفق مع راجل ملحن أو موزع أو منتج على شئ والراجل ده بيكون حد كويس جدًا في التلحين والتوزيع  وبعدين يحصل تخاذل منه ويشوف مصلحته.
وأضافت: أنا ببقى على قد كلمتي وهو لا والموضوع أتكرر مرتين وبزعل جدًا لان الشخص ده بيقوله إني زي اخته وبيحبني جدًا  وبعدين يخلف الكلام فين الكلام ده بقى ولا هو بيبقى فض مجالس وخلاص.

وتابعت: انا طيبة وبصدق وبقول هيكدب عليا ليه ولا هيجاملني ليه ولما يقولي انتي اختي أكيد كنت اهتميت، وكنت مبسوطة جدًا بالأغاني والشخص كنت بعزه وزعلانة وبقول انا مش هصدق حد تاني.

هدى عمار: الراجل مش شنب وطول وعرض بس 

وأضافت: لما كتبت على فيسبوك يعني إيه رجولة كان ليه علاقة  بحاجة شخصية وحسيت أن جوايا بيقول كده وكنت بفكر هو الراجل شنب  وطول وعرض بس وكان في تصرف من شخص من المفترض أنه راجل واتصرف بطريقة مفيهاش  إي رجولة  وساعتها اضايقت.

هدى عمار: عدم الوفاء بالكلمة مش رجولة

واستكملت: عدم الوفاء بالكلمة بالنسبالي ده مش رجولة، الراجل كلمة لما تقول أنا هعمل حاجة لازم تعملها وساعتها فشيت اللي جوايا وكنت عايزة حد يقولي يعني إيه رجولة .

هدى عمار: اللي على راسه بطحة هيعرف لوحده

واستطرت: اللي على راسه بطحة هيعرف من نفسه وهياخد الكلام على نفسه وأنا مش بحب أكتب حاجة على فيسبوك، ومش بعمل كده غير لما أعاتب الشخص وأكلمه وأقوله اللي مزعلني  ولو الشخص جه اعتذارلي اعتقد مش هينفع اسامحه وفي اشخاص مش بتتغير خلاص.

هدى عمار ترفض الرد على زواجها للمرة الثانية

وقال هدى عمارعن زواجها للمرة  الثانية: مفيش حد ليه دعوة أنا أتجوزت كام مرة لكن أنا حاليًا مُطلقة، وأنا أطلقت من 8 سنين و كان أبني فارس عنده سنتين ومفيش ناس كتير في حياتي تعرف حاجة عن حياتي الشخصية