ياسمين عز: الرجالة مفيهاش عيوب و هو اللي بينور الست ويطفيها

وجهت الإعلامية ياسمين عز نصيحة إلى السيدات، بعد انتشار وزيادة أعداد الطلاق في مصر خلال الفترة الحالية.

تحيا مصر يرصد لكم تصريحات ياسمين عز

وقالت ياسمين عز خلال برنامجها كلام الناس الذي يثعرض عبر قناة أم بي سي مصر وقالت: المشكلة ان نسبة كبير من الجيل هيبقوا أبناء طلاق واغلبهم شافوا الخلافات وقرف بين باباه ومامته 

وتابعت: صاحبتك اللي بتفضل تقولك اشتميه واخلعيه وأن زيك زيه وراسك براسه هل بتيجي الحربايه دي تقف معاكي وتقف مع عيالك لما يحتاجوا والله ما هتعبرك وهتلف على واحده غير سعيده في حياتها.

وأضافت: هتتطلقي وكله هيتخلى عنك واخواتك مش هيقفوا معاكي واختك هتاخدك عبرة و صاحبتك اللي سخنتك على جوزك هتخاف منك على جوزها.

واستكملت: اللي كانت بتسخنك دي هتبعد عنك وانتي قاعدة فاضيه هي بتكلم جوزها والمولد هيتفض وكل واحده هتروح لحضن جوزها وانتي تفضلي تعيطي وتتحسري على حياتك وولادك.

وتابعت: عايزينك تكوني أذكى البنات واسمعي كلام العقل والأصول ومتسمعيش كلام مخرب اللي فشل في حياته عايزك تبقي زيه متسمعيش كلامه وقوليله انا بحب جوزي ووعيالي وخليكي ناصحة  وواعية ومتبقيش ودانية وكل راجل ليه واي خناقه مهما كانت بتنتهي بعد نص ساعه كلمة حلوة وكيك.

ياسمين عز: الراجل هو اللي بينور الست

واستطرت: الست بتضلم وتعتم بعد الطلاق ومش بتنور ولا حاجه والنور اللي بجد لما تعيشي حياة طبيبعة بينك وبين جوزك ولا فيلر ولا بوتوكس هيخليكي تنوري لان الراجل هو اللي بينور ويطفي اسالي جوزك ايه مضايقك وامتى تبقى صاحبته وحبيبته.

وقالت: احمدي ربنا على جوزك وبلاش تبصي لزميلك في الشغل ولا قريب صاحبتك وتقرني بينهم ،الراجل بيحارب طول اليوم بلاش تنكدي عليه واول ما تشوفيه قوليله ربنا يديمك نعمة في حياتي.

ونصحت السيدات بعدم أنتقاد ازواجهم وقالت: اوعي تنتقدي جوزك قدام اي حد ولا تقولي مميزاته و تسمحي لجارتك او اي حد في الدنيا انه ينتقد جوزك جوزك قدام الناس مفيهوش عيوب وكامل  وروحي لجوزك وقوليله حبيبي لو عيوبك لو الكل عبهالك انا ابوسهالك واللي متغاظ مننا يعمل زينا.

ياسمين عز: الرجالة مفيهاش عيوب

واستكملت: والراجل مفيهوش عيوب واحنا اللي بنقفله على والواحدة احنا مش في حرب ولو في حرب اخسريها واكسبي جوزك.