دومينيك لـ تحيا مصر: مش بهتم بالتعليقات السلبية وأنا أم مثالية

تحدثت الفنانة دومينيك حوراني عن السوشيال ميديا وطريقة تعاملها مع التعليقات السلبية، كما كشفت أنها تمارس دورها كأم ولا تهتم بالسوشيال ميديا والفن فقط.

تحيا مصر يرصد لكم تصريحات دومينيك حوراني 

وقالت دومينيك في تصريح لموقع تحيا مصر: أنا مش بقرأ التعليقات والانتقادات السلبية اللي بتجيلي على السوشيال ميديا.

وتابعت: لكن في ناس بتبعتلي كلام حلو وبقراه وساعات برد عليهم وبنوصل لمرحلة صداقة، وفي ناس بتشجع الفنان وتتابعه من سنين طويلة معانا، وفي ود وعلاقة طويلة بينا.

وأضافت أنا عندي اكتر من 5 مليون شخص على فيسبوك اكيد مش للحق أرد على كل الناس على السوشيال ميديا.

دومينيك: أنا أم مثالية 

وتابعت: أنا عندي بيتي وبنتي وبطبخلها وبنضف البيت وبعمل رياضة وأنا أم مثالية ومش قاعدة بتصور وبنزل على فيسبوك وبس.

واستكملت: في الوقت الحالي مبقاش في أوقات فراغ الدنيا بتجري بسرعة واللي بيشوف أهله دلوقتي يبقى بطل.

واستكملت: بس لما بيجيلي وقت فراغ بحب اشرب شاي ونسكافيه واتفرج على فيلم على قناة روتانا.

أغنية بكاش

وكان أغنية بكاش لدومنيك حققت نجاحًا كبيرًا فور طرحها بموقع الفيديوهات الشهير يوتيوب وهي من   كلمات وألحان إسلام المصري، توزيع وتسجيل ستوديو فيجو الدخلاوي، إخراج وجرافيك محمد عمار، وتدور فكرتها فى إطار رومانسي حول الغيرة والغزل.

كلمات أغنية بكاش

بخ وعو هأ-هأ-أو أكلت الجو منك
أنت عشان مني أنا غيران اسمي بيفضل يجنك
ياللي كنت زمان وياك النهاردة بقيت نسياك
ياما كنت بضحي معاك بس أنا سيبتك لأنك
بكاش، بكاش، بكاش، بكاش، بكاش
أنت قلبك مافيهوش دقة
مافيش عندك حب ورقة
عامل فيها إنك سي السيد
كل حاجه لأ لأ
قولتلك كام مرة يلا نطلع مارينا
نركب يخت وناخدلنا كام صورة لوحدينا
وأنت برضو بترفض عامل فيها الجون سينا
لأ يا حبيبي فوق غيرك هيموت علينا
ما بتعرفش تحب يا شاب وقلبك قلب منيل
زي الطفل وعقلك قفل كأني بحب في عيل
يا تبسطني يا أما بلاش، نمرتك عندي ماشوفهاش
حتي بحبك متقولهاش فلو هتقولها هقولك
بكاش، بكاش، بكاش، بكاش
أنت قلبك مافيهوش دقة
مافيش عندك حب ورقة
عامل فيها إنك سي السيد
كل حاجه لأ لأ
كل ما أقولك: "نسهر؟" تيجي تقوللي: "لا، لا، لا"
لما تشوفني لابسه دريس تجيلك الحالة
كل ما أحن برن وأرن بتعمل كنسله
طب ليه بتزعل لما ترن وأقولك شغاله
بكاش، بكاش، بكاش، بكاش