النائبة إيمان الألفي زوجة الشهيد عادل عبد الحميد تهاجم شقيقة علاء عبدالفتاح: «أخوكى مجرم ..ودفاعك غير مشروع»

«أنا قبل ما أقول للمجتمع الدولي فين حقوقنا، أحب أقولك أنتى ما توجعتيش زي ما اتوجعنا.. أنت ما صحيتيش الصبح على  سؤال بنت 6 سنين وهي بتقولك هو شعور اللي عندها أب بيبقى إيه، وبتحس بإيه، وهو ينفع بابا ينزل يوم واحد بس علشان أحس باللي بتحس بيها اللي عندها أب».. بهذه الكلمات المدمية للقلوب هاجمت النائبة إيمان الألفي، سناء عبدالفتاح شقيقة الناشط السياسي المسجون علاء عبدالفتاح، التي طالبت بالإفراج عن أخيها.

تحيا مصر

وقال النائبة إيمان الألفي عضو مجلس النواب عن تنسيقية شباب الأحزاب والسياسيين، أنها تابعت قمة المناخ، قائلة: تابعت المؤتمر وتابعت السيدة سناء هقول السيدة سناء باحترام، معقبة: وأنا هقول كزوجة شهيد.. السيدة سناء عبدالفتاح أخت المجرم  علاء عبدالفتاح".

وأضافت النائبة إيمان الألفي، خلال فيديو عبر صفحتها الرسمية "فيسبوك": هي بتدافع عن أخوها حقها كأخت زعلانة على فراق أخوها، وعلى حبسه أنها تدافع، ولكن لازم تستوقفنا حاجة أن الدفاع دا مش مشروع، أنت بتدافعي عن أخوكي اللي كلها أيام و لاسنين وهيخرج  وهتعيشوا حياتكم سوا".

إيمان الألفي لـ سناء عبدالفتاح: القضية اللي أخوكي  كان بيتبناها هي قضية قتل وتحريض على القتل

وتابعت: القضية اللي أخوكي  كان بيتبناها هي قضية قتل وتحريض على القتل، حيث  قتل أزواجنا وأخواتنا و أبنائنا الظباط سواء جيش أو شرطة، لا وكمان ووصل بيه الحد أنه يطالب بتعذيب أمهاتنا وأولادنا، مضيفة: ليا الفخر أني زوجة أحد هؤلاء الشهداء.

واستكملت: أنت ليكي حق بس أنا كمان ليا حق غالي وكل أخت وكل أخ ليه حق وكل طفل اتحرم من كلمة بابا ليه حق، معقبة: أنا قبل ما اقول للمجتمع الدولي فين حقوقنا، أحب أقولكم أنتم ما توجعتوش زي ما توجعنا.. أنت مصحيتيش الصبح على  سؤال بنت 6 سنين وهي بتقولك هو شعور اللي عندنا أب بيبقى ايه، وبتحس بإيه، وهو ينفع بابا ينزل يوم واحد بس علشان أحس باللي بتحس بيها اللي عندها أب.وأضافت: مجربتيش فرحة العيد لما تكون في المقابر ونروح علشان نوريه اللبس الجديد، أخوكي مسجون بس شايفك وشايف ولاده وهما بيكبروا.

النائبة إيمان الألفي عن علاء عبدالفتاح:إحنا امتثلنا للقضاء المصري ورضينا أنه يتسجن مع أن حقنا المطالبة بالقصاص

وتابعت النائبة إيمان الألفي: أما المجتمع الدولي كله بقوله إحنا امتثلنا للقضاء المصري ورضينا أنه يتسجن مع أن حقنا المطالبة بالقصاص، إحنا مش أقل من سناء إحنا 3 آلاف أسرة شهيد والعدد بيزيد، هاتوا لينا احنا كمان حقوقنا، هاتوا لينا الأزواج اللي كانوا سند وضهر واتحرمنا منهم".