لكل شخص يشعر بالضيق.. إليك نصائح تامر حسني الـ 5 لحياة أفضل

حرص الفنان تامر حسني كعادته على تقديم عدة نصائح لجمهوره تحسن من حالتهم إلى الأفضل، وذلك من خلال منشور له عبر حسابه الشخصي على موقع التواصل الاجتماعي “فيسبوك”.

تحيا مصر يرصد تفاصيل نصيحة تامر حسني لجمهوره

حيث نشر تامر حسني صورة له وعلق عليها قائلًا: “يوم جميل على الجميع كالعادة مش بعتبركم محبين فقط لا أنا دايماً بشوفكم ناس من أهلي حتى لو بعضكم معندوش الاحساس دا تجاهي.. أنا بقى عندي تجاهكم كلكم الاحساس دا و دا إحساس ربنا زرعه فيا معرفش ليه و معرفش ليه مزروع فيا بالقوة دي عشان كدا أقسم بالله أي خير بعرفه بحب انقله ليكم فوراً”.

نصائح تامر حسني لجمهوره

وتابع: "كنت بقرأ موضوع مهم أوي بما أني مجنون قراءه و سماع حبيت اكلمكم عنه و هو ((مجاهدة النفس )).. واثق اننا كلنا بنمر بظروف ومؤثرات وأفكار بتغير حاجات جوانا في ناس بتغيرها للأفضل وفي ناس للاسوأ وكلامي لكل شخص حاسس من جواه أنه متضايق وعنده خطأ في فكره أو عقيدته و قناعته أو عادة سيئة ومعصية ثابتة مش عارف يتخلص منها أو صفة في شخصيته مش كويسة وفاقد الأمل في تصليحها عشان يصلحها و يتغير لازم أول حاجة يعترف بيها قدام نفسه وميقاوحش ويبرر وجودها.. لازم يشوفها يبقى:

5 نصائح من تامر حسني

١- تعترف بيها قدام نفسه
٢- تاخد قرار حاسم في بدء الإمتناع عنها
٣- تدرس المقابل لها في الصالح و تسعى في اتجاهه
٤- اختار أصحاب صفاتهم بعيده عن هذه العيوب و العادات المشابه
٥- أصبر على نفسك في التغيير

وأضاف: “يعني لو اخدت قرار و رجعت فيه مش معناه انك فشلت لا خد القرار تاني حتى لو فشلت في الاصلاح ١٠٠ مره عادي، خد كمل في اصرارك على التغيير والتطوير وخد كمان مره القرار اهم حاجه راقب نفسك وشوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحدة واحدة انتصرت على نفسك وكسبت التحدي، نهاركم عسل زيكم”.