هي اللي هاجمت وابتدت وأنا مردتش عليها.. عفاف شعيب تكشف حقيقة خلافها مع أيتن عامر

كشفت الفنانة عفاف شعيب حقيقة خلافها مع الفنانة أيتن عامر بسبب تصريحات الأولى عن علاقة الرجل والمرأة ودور الرجل في المنزل.

تحيا مصر يرصد في ذلك التقرير حقيقة خلاف أيتن عامر مع عفاف شعيب

عفاف شعيب عن خلافها مع أيتن عامر: هي اللي ابتدت

قالت عفاف شعيب خلال حلولها ضيفة على برنامج “واحد من الناس”، الذي يقدمه الإعلامي عمرو الليثي ويذاع على قناة الحياة: “أيتم عامر، مفيش بيني وبينها خلاف، هي اللي هاجمت وابتدت وانا مردتش عليها، عشان كنت بعمل لقاء وقولت الراجل ميغسلش المواعين وممكن يغسلها لو عيانة او والدة او في ظروف قاهرة، واتربينا على حاجات معينة”.

عفاف شعيب عن تريند أجر الرضاعة: فين غريزة الأمومة

وتطرفت عفاف شعيب بـ حديثها عن الجدل المثار بشأن حصول المرأة على أجر للرضاعة، فقالت: “فين غريزة الامومة وحنان الام، ايه الكلام الفاضي ده؟ الدينا اتغيرت؟ احنا كده بنخالف قوانين ربنا ما يمشوا على الكتاب والسنة، طب اتجوزتيه ليه وخلفتي ليه؟ الزوج ده بيصرف عليكي وبيهتم بأمور البيت، وساعديه ولازم يكون في اخلاق حلوة بين الرجل والمرأة”.

وتابعت حديثها، قائلة: “نسبة الطلاق زادت، والولاد الصغيرين بيتجوزوا وبيقولوا شهر شهرين وهيتطلقوا، البنت لما تبقى ٢٥ و٢٦ سنة وتقول انا اتطلقت وتبقى فرحانة وتحتفل؟ ايه الكلام الفاضي ده، والسوشيال ميديا بوظت عقول الناس، وبعدنا عن ربنا اوي، أاختي لما كانت تزعل امي كانت تقولها روحي على بيتك”.

عفاف شعيب تواجه الإنتقادات

من ناحية أخرى، كانت وقد تعرضت عفاف شعيب لانتقادات لاذعة بسبب تصريحاتها عن شراء ملابسها من ألمانيا، فقالت: "ناس فاضية ورايقة معندهمش ضمير ومتنمرين وقاعدين لنا على الواحدة ودا كلام مش لطيف وبعدين أنا بتكلم بصدق شديد جدا مبعرفش ألف وأدور أو أكذب.. أنا بقول بما يرضي الله، ليه متكلمتوش على واحدة بتقول أن فستانها بمليون جنيه وأتكلمتوا عليا لما قولت أني بجيب لبس ألماني، وأنا مش بلاقي البدل اللي أنا عايزاها إلا في اللبس الألماني، “المقاسات في ألمانيا بتبقى مظبوطة من أول مرة قياس لكن المصري بفضل أقلب الدنيا كلها وألف كل محلات مصر ملاقيش الحاجة المناسبة بالنسبالي”.