عفاف شعيب: اتطلقت من رياض العريان بسبب الخيانة.. وهذا رأيي في الزواج مرة أخرى

تحدثت الفنانة عفاف شعيب عن سبب طلاقها من رياض العريان، وذلك خلال لقائها بالجزء الثاني من برنامج واحد من الناس. 

تحيا مصر يرصد لكم تصريحات عفاف شعيب عن طلاقها من رياض العريان وزواجها الثاني

عفاف شعيب: رياض العريان خانني.. وحاولت اكمل معاه 

وقالت عفاف شعيب: سببه الخيانة وسامحت كتير، واستحملت مرة اتنين تلاتة عشرة ومن كتر السفر والشغل الدنيا بتغري. 

وتابعت: انا مكنتش هتجوزه خالص وسبب الجوازة استاذ حسين جمال ومدام مجيدة نجم، وفضل يلح عليا لما كنت بصور افواه وارانب وكان بيجي يبص عليا كل يوم، واستاذ حسين يقولي الراجل ده متيم بيكي. 

وأضافت شعيب: بس اقنعوني وقالولي ده بيحبك وقالولي ده اللي هيصونك في الوسط، لكن امي واخويا مكنوش موافقين، حاولت اكمل معاه بس الامور بقت صعبة لوي. 

عفاف شعيب عن سبب خيانة الرجل بشكل عام 

وأردفت عفاف: يا عينة زايغة، والراجل يخون لما يلاقي مراته ست مش كويسة مبتهتمش بشغله ولبسه وأكله، ولما يلاقي خلاص مراته مفيهاش امل، لكن لو هي مطيعة وبتخاف على البيت ليه تخونها؟، والكل يشهدلي اني كنت ملتزمة. 

عفاف شعيب عن زواجها الثاني 

وعن زواجها الثاني، قالت: اتجوزت بعد طلاقي منه، وكان طالب اعيش معاه برا في لندن، وشغله كله هناك، وقالي شوية كده وهستقر في مصر بس قولتلع مش هينفع، ومرضتش اعيش هناك عشان لا يمكن اعيش في غير مصر، وهو يتمنى اني ارجعله لحد دلوقتي. 

عفاف شعيب عن رغبتها في الزواج مرة أخرى

وكشفت شعيب أنها غير مستعدة لوجود شخص في حياتها، كما انا اغلقت هذه الصفحة، قائلة: خدت على حياة معينة ومش حاسه اني محتاجة حد حتى ولا ونس، انا ونيسي ربنا بالصلاة والقران، وولاد اخويا واختي ماليين عليا حياتي، وكلهم حواليا.