مأساة أميرة : جوزي بيشوف الشباك بيتحرك وبيعمل معايا علاقة قدام أولادي ,, والسبب الشابو

" بيتخيل أني بخونه مع رجالة تانية وهو اللي خانني مع صاحبة عمري " بتلك الكلمات روت أميرة لتحيا مصر داخل محكمة الأسرة عن زوجها متعاطي الشابو الذي يعاني من أضطرابات نفسية وشكوك مستمرة بزوجته بسبب الأدمان .

تحيا مصر 

أدمن الشابو بسبب صحابه وكان عايزني أشرب معاه 

بدأت أميرة حديثها لتحيا مصر :" أنا وجوزي متجوزين من 11 سنة عن قصة حب وعندنا بنتين أكبر بنت فيهم عندها 10 سنين جوزي شغال سواق وكان بيشرب في البداية سجاير لحد من سنتين كان قاعد مع واحد صاحبه وأداله حتة " أيس " وقاله خدها دي هتفوقك وتديلك طاقة وفعلا جوزي خدها وأتعود عليها وبقي بياخد منها كل يوم في أول سنة مظهرش عليه أي أعراض لكن في السنة التانية أتحول لشخص تاني أنا معرفهوش حاول معايا كتير يخليني أشرب معاه وكان بيقولي " خدي حتة الأيس دي هتخليكي قادرة علي شغل البيت والعيال وتفوقك عشان تسهري معايا ومتناميش بدري " لكن أنا كنت برفض وبنفعل عليه عشان ميعرضش عليا حاجة زي كدة تاني . 

بيشوف الشباب والباب بيتحركوا والنور بيطفي لوحده 

وتابعت أميرة :" في الفترة الأخيرة كان بدأ يتهيأ أن في حاجات بتحصل حواليه وبيسمعها كمان في مرة شاف الشباك وهو بيتحرك والباب وهو بيتنقل من مكانه ونده عليا أنا وأخواته وسألنا " أنتوا شايفين اللي أنا شايفه ؟" وأحنا طبعا قولناله لا ومن وقتها وهو مركب كاميرات في البيت كله عشان يراقب اللي بيحصل ده غير أنه دايما يشوف النور بيطفي وينور لوحده وبيسمع أصوات غريبة وأصوات ناس حواليه ومش بيبقي عارف ينام بسببهم وكل ده أصلا مش موجود ".

ضربني عشان تخيل أني بخونه وهو اللي خانني مع صاحبة عمري 

وأستكملت :" جوزي دخل عليا في مرة وأنا بكلم صاحبتي في التليفون راح ضاربني ومكسر عضمي وكسر كمان التليفون وقالي" أنا سامعك وأنتي بتخونيني وبتكلمي راجي غريب " وحتي بعد ما كسر تليفوني فضل برضه يتهمني بالخيانة ويضرب فيا ويهينني قدام ولادي ويقولي " أنتي معاكي تليفون تاني بتخونيني منه " لحد ما في مرة كنت بعمل حاجة علي تليفونه وشوفت رسايل وتسجيلات صوتية بينه وبين صاحبة عمري  وكان بيجيبها كمان بيتي في غيابي قطعت علاقتي بيها وهو سيبتله البيت ورجعت علي بيت أهلي لكن مرضيش يديني عيالي وحرمني منهم عشان أرجعله ولحد أنهاردة بيحاول يرجعني ويكلم أخويا الكبير وبيقولي " انتي فاهمة غلط وأديني فرصة تانية " لكن أنا رفعت دعوي حضانة لأولادى عشان اخد عيالي منه مش عايزة أشوف وشه تاني في حياتي ".