محمود سعد عن تصريحات محمد عطية عن أم كلثوم: “دي قيمة فنية كبيرة مالك ومالها”

تحدث الإعلامي محمود سعد عن تصريحات محمد عطية الأخيرة بشأن كوكب الشرق، أم كلثوم والتي قال فيها بأنه لا يحب أن يستمع لـ أغنياتها.

تحيا مصر يرصد في ذلك التقرير تصريحات محمود سعد على هجوم محمد عطية

محمود سعد لـ محمد عطية: أم كلثوم قامة ومش عايز تسمعها انت حر

قال محمود سعد خلال قناته الرسمية بموقع الفيديوهات الشهير يوتيوب: “في شاب كدة مش عارف مين، قال انه حاول يسمع أم كلثوم وكل أما يشغل الشريط بتاعها وقبل ما تبدأ تغني يروح نايم، وانت مالك ومال أم كلثوم، أم كلثوم كانت زمن ودنيا وحياة، وبعدين دي قيمة فنية، ومش عايز تسمعها انت حر، وبعترف انه مكنش ينفع يهاجموك عشان الغنا ده مزاج”.

محمد عطية عن أم كلثوم: بنام قبل ما تغني

وكان قد كتب محمد عطية عبر حسابه الرسمي بموقع التواصل الإجتماعي “فيسبوك”: “أنا ما بحبش أم كلثوم.. فا بقالي ٣ أيام بحاول أحبب نفسي فيها. فا بشغل أغنية ليها قبل ما أنام وكل يوم بروح في النوم قبل ما تكون بدأت تغني”، وقابل الجمهور هذا المنشور بهجوم عنيف على الفنان.

وأعرب محمد عطية عن غضبه من هذا الهجوم، فقال: “الحقيقة الموضوع ده بقي مزعج و سخيف جدًا أن الصحافة بتاخد اي كلام و لو هزار علي صفحتي الخاصة عشان تعمل بيه تفاعل عن طريق استفزاز الناس بصياغة الخبر بشكل معين، رخص رهيب و بقي بيحصل كتير معايا و مع غيري .. ما خلاص بقي يا جماعة الجو الستيناتي ده”.

محمود سعد  يهاجم مصطفى كامل

هذا وهاجم محمود سعد أيضا، المطرب مصطفى كامل، فقال:“مصطفى كامل قال لازم مغنيين الراب يغنوا بفرقة وبعدين تراجع وقال لازم يبقى معاهم 6 عازفين وحاجات عجيبة أوي، الغنا ده حياة الروح زي ما قال بيرم التونسي، لأنه الفن الوحيد اللي ممكن يمارسه أي حد في أي حتة وأي مناسبة، يعني هتلاقي سبوع فيه غنا، زالحنة والفرح فيهم غنا، وانت مبسوط بتغني وانت زعلان ومتضايق بتغني، الغنا ده بيعبر عن الناس يعني مش حاجة فيها انت عايز الناس تغني على مزاجك”