محمود سعد يهاجم مصطفى كامل: عايز الناس تغني على مزاجك!

خرج الإعلامي محمود سعد لـ يهاجم المطرب مصطفى كامل، نقيب المهن الموسيقية، وذلك بعد قرراته الأخيرة بشأن مطربي الراب ومطربي المهرجانات.

تحيا مصر يرصد في ذلك التقرير تصريحات محمود سعد لـ مصطفى كامل

محمود سعد لـ مصطفى كامل: الغنا بيعبر عن الناس مش انك تخليهم يغنوا على مزاجك

قال محمود سعد خلال قناته الرسمية بموقع الفيديوهات الشهير يوتيوب: “مصطفى كامل قال لازم مغنيين الراب يغنوا بفرقة وبعدين تراجع وقال لازم يبقى معاهم 6 عازفين وحاجات عجيبة أوي”.

وتابع: “الغنا ده حياة الروح زي ما قال بيرم التونسي، لأنه الفن الوحيد اللي ممكن يمارسه أي حد في أي حتة وأي مناسبة، يعني هتلاقي سبوع فيه غنا، زالحنة والفرح فيهم غنا، وانت مبسوط بتغني وانت زعلان ومتضايق بتغني، الغنا ده بيعبر عن الناس يعني مش حاجة فيها انت عايز الناس تغني على مزاجك”.

محمود سعد: مصطفى كامل أخطأ ومكنش موفق

وأضاف: مصطفى كامل أخطأ ومكنت موفق، كان هيعمل اي في محمد فوزي اللي عمل أغنية من غير مزيكا، أو واحد قام في دماغه يجيب حلة ويمسك الغطا ويعزف بيه ويغني، أو حد يجيب حتيين قزاز ويخبطهم في بعض، ما الألات الموسيقية اتعملت كدة".

واختتم: “مين بيتشرط على مطرب بأنه يجيب 6 عازفيين معا، افرض هو مش عايز عازفين، وهو هيغني بصوته وهو حر”.

تصريحات محمود سعد لـ والد حسام حبيب

جدير بالذكر، أن سبق وأن أثار محمود سعد الجدل بعد تصريحاته عن والد حسام حبيب، فقال على حسابه الرسمي بموقع التواصل الإجتماعي فيسبوك: والد حسام حبيب لازم يعتذر عن جملة تربية واحدة ست، التى أراد بها اهانة  ابنه ، فاذا كان هناك مشاكل بينهم ، فهذا الأمر يخضهم ، ولكن هذة الجملة لاتصح ، فالستات بتعرف تربي، تربية واحدة ست ، فالستات تربي العيال بسبب ظلم وقهر وقلة أدب الرجالة تجاه الستات، الست لما تربي ابنها مش بتكون رمت الاب من البلكونه ، ولكن بيكون علشان ساب البيت وراح أتجوز واحدة ثانية، انا أجمل الاشياء التى حدثت فى حياتي انني تربية واحدة ست، عرفت من خلالها الجدعنة ، وكان الشارع كله يحترمها ، وأقول لوالد حسام حبيب عيب كده وإعتذر للستات ".