هندية: كنت مبوظة السوق في فترة عملي كراقصة والمنتجين مرحبوش بيا أما رجعت التمثيل

كشفت الفنانة والراقصة هندية حقيقة اعتزالها التمثيل مشيرة إلى أنها لم تعتزل حتى الأن لكن بعض المنتجيين يعرضون عليها أعمال غير مناسبة.

تحيا مصر يرصد في ذلك التقرير تصريحات الراقصة هندية في كلام الناس

الراقصة هندية وحقيقة اعتزالها

وأضافت الراقة هندية، خلال برنامج كلام الناس، المذاع على قناة mbc مصر وتقدمه الإعلامية ياسمين عز: “أنا مش معتزلة التمثيل، لكن بعض المنتيجين بيعملولي ادوار مش مناسبة فبقول بلاها، وأنا مش محتاجة أنزل عشان أتعايش الحمدلله مستورة معايا”.

هندية: فرقتي الموسيقية كانت بتاخد تلتين اللي بشتغل بيه

وتطرقت هندية بالحديث عن كرمها مع فرقتها الموسيقية وكيف كان كذلك له تأثير على نجاحها، فقالت: أحمد فهمي قال في لقاء تليفزيوني ليه ان هدية كانت بتديني أعلى أجر، فرقتي كلها كانت بتاخد تليتين اللي باخده واتعلمت ده من نجوى فؤاد، هي كانت بتقول ديما لولاهم مكنش هيطلع شغلنا كويس، وبتقول كلف تلاقي".

وتابعت: “أغلبية الراقصات مكنتش بتدفع أجور كتير، وأنا كنت مبوظة السوق ومعايا أسماء جامدة جدا، كانوا كلهم عايزين يشتغلوا معايا، وكنت بجيب كذا حد واللي يتعب او يحصله حاجة كنت ببدله بالتاني”.

هندية تتحدث عن قرار خلعها للحجاب

وكشفت هندية عن قرار خلعها للحجاب بعد 11 سنة، فقالت: “كل رمضان كان بيجيلي هاجس إني ألبس الحجاب لحد ما حصل وفاة أخويا فقولت ان ده رسالة، وفي الفترة دي كنت بخلص صلاة العشاء وأخلص التسابيح فكنت في حالة زهق وبعد كدة بدأو يستدرجوني عشان أرجع الوسط الفني، وإلهام شاهين وهالة صدقي كانوا بيقبلوني ويرحبوا بيا بس كمنتجين مكنش فيه ترحيب".

وتابعت حديثها، قائلا في نفس اللقاء التليفزيوني: “مقتنعة ان دا قضاء و قدر جدا ودخلت الوسط الفني وخرجت بقرار منه ورجعت بقرار منه وصلتي بربنا لحد وقتنا هذا بصلي وبسبح وبعمل كل حاجة وسألته كتير أوي على إنه لو لا مرجعش للتمثيل أو أبين شعري يديني إشارة وقرار رجوعي كان منه ومش قادرة أعترض على ده فاخدت قرار خلع الحجاب بعد 11 سنة ”.