كان ماسكلي سكينة.. الراقصة هندية تكشف تفاصيل تعدي ابن شقيقها عليها

تحدثت الفنانة والراقصة هندية عن تفاصيل خلافها مع شقيقها وأولاده بسبب رغبتهم في الاستلاء على أموالها، وذلك خلال حلولها ضيفة على برنامج “كلام الناس"، الذي تقدمه الإعلامية ياسمين عز على قناة mbc مصر.

تحيا مصر يرصد في ذلك التقرير تصريحات الراقصة هندية في كلام الناس

الراقصة هندية وخلافها مع ابن شقيقها

قالت الراقصة هندية بأنها كانت قد خرجت وصرحت لـ إحدى المواقع الإخبارية عن خلاف لها مع شقيقها بسبب استيلائه هو وأولادها على شقتها، مشيرة إلى أن شقيقها الأخر سمع ما قيل في هذا اللقاء فغضب هو وأولاده، متابعة: قال ازاي هما أخدو الحجات دي وأنا مخدتش، وكانوا عايزين هما كمان ياخدو.

وأضافت: كان عندي شقة تانية وقعدت أختي فيها بفرشها بكل حاجة، وهو اما عرف جالي بسكينة  في ايده وقالي مش مدخلك والناس كانت واقفة مذهولة من اللي بيحصل، وبعدها حدف السكينة عليا عشان احنا كنا في دور ارضي بس الحمدلله السكينة مجتش فيها، وأختي كانت رافضة اني أخرجلك عشان ميتهورش ويعمل فيا حاجة، وبعدها رفعت قضية عليه".

الراقصة هندية تشكو اهمال المنتجين لها

وشكت الراقصة هندية من إهمال النجوم لها، فقالت أنها بعد إقناع الممثلين لها بالعودة للفن، أهملها المنتجين ولم يقوموا بعرض أي أعمال فنية مناسبة عليها، مشيرة:"أنا مش معتزلة التمثيل، لكن بعض المنتيجين بيعملولي ادوار مش مناسبة فبقول بلاها، وأنا مش محتاجة أنزل عشان أتعايش الحمدلله مستورة معايا".

اعتزال الراقصة هندية 

هذا وتحدثت هندية عن علاقة أيمن السويدي بـ اعتزالها، فقالت خلال برنامج كلام الناس، المذاع على قناة mbc  مصر وتقدمه الإعلامية ياسمين عز: وأنا متجوزاه قعد شهر بشتغل، وهو عمره ما قالي منزلش الشغل لكن كان بيلمح لده، وفي مرة كلمني في أوتيل الشغل وقالي انزلي عايزك ضروري أبويا في المستشفى ومحتاجك وخدني ولف بيا في الشاعر وقالي أنا مزاجي متشتغليش النهاردة".

 وتابعت: وقتها قولته أنا معايا رجالة مينفعش أصغرهم، واليوم كله اتحملت خسارة الطرابيزات، احترمت ذاتي ونفسي ورجالتي وقولت للمدير مش هشتغل تاني  كان لازم أحترم طلبه، وديما بقول الراجل راجل والست ست".