سحر رامي: المخرجين مش شايفيني.. وأنا بعيد خالص عن شائعات الحجاب

حلت الفنانة سحر رامي ضيفة على برنامج كلام الناس التي تُقدمه الإعلامية ياسمين عز ويعرض عبر قناة أم بي سي مصر.

تحيا مصر يرصد لكم تصريحات سحر رامي

وتحدثت سحر رامي عن تفاصيل في حياتها الشخصية، وعن بعدها عن المجال الفني خلال الفترة الحالية، عن شائعة أرتدائها الحجاب

وقالت سحر: مش أنا اللي بغيب يمكن مفيش حد شايفني وبقعد فترات طويلة من غير ما أشتغل ومش أنا السبب هما مش شايفني أو مش على بالهم

وتابعت: أخر حاجة اتعرضت عليا كان من تلت سنين وهو مسلسل رحيم عام 2019، وأنا مش بفكر في الموضوع ولما بتابع الميديا بلاقي ناس أحسن واشطر واكبر مني برضو بيقعدوا فترات كتير من غير ما يمثلوا.

سحر رامي: معرفش ليه مش بمثل ومش بسأل

واستكملت: أنا معرفش الأسباب ومش بسأل عشان أعتقد ان مينفعش أروح اخبط عليهم واقولهم مش عايزين ممثلين انهاردة مفيش حد بيعمل كده، وأنا طبعي إني مش بسأل ومن ساعة ما حولت من البالية للتمثيل واشتغلت  في مجالات واسعه عمري ما اتصلت بحد اقوله شغلني معاك ومكمله في حياتي ولو اتعرض عليا حاجة بعملها وخلاص.

وأضافت: الجمهور ميعرفش إيه اللي جوا الموضوع وكلهم بيجيبوا اللوم عليا وكأني أنا اللي هشغل نفسي.

سحر رامي: أنا بعيدة عن شائعات الحجاب

وتحدثت سحر رامي عن شائعات الحجاب التي انتشرت مؤخرًا وقالت: أنا بعيد خالص عن شائعة الحجاب ومفيش حاجة حصلت تقول إني هتحجب ومسمعتهاش قبل كده، وبيربطوا الإعتزال بالحجاب عشان جت فترة ممثلين بعدوا عن التمثيل واتحجبوا وبقى اي حد يختفي يبقى اتحجب.
وتابعت: أنا في ادوار مش بتناسبني مش بعملها بس مش بحط اسباب دينية أو أخلاقية ومعنديش مانع إي حد يعمل اي حاجه وعمري ما عملت موقف من ده وبيطلعوا عليا كلام غريب.

واستكملت: مكنش عندي ممنوعات في التمثيل لكن في ادوار تناسبني اقدر اعملها وفي حاجات مش بتناسبني  كأداء وفن وملهاش علاقة بشروط.
وقالت: والملابس اللي بتناسب الشخصية واللي بتناسبني، وأنا مش قصدي قصير أو مفتوح ، أنا عملت فيلم وطلعت راقصة شرقية ولبست بدلة رقص، ومتعرضش عليا ادوار بوس قبل كده ومتحطش في هذا الأمر.

سحر رامي تتحدث عن قيامها بدور أم الفنانة زينة والفنانة نور 

وعن قيامها بدور الأم للفنانة زينة والفنانة نور اللبنانية قالت سحر رامي: أنا طلعت أم الفنانة داليا مصطفى وأم نور اللبنانية في رحيم ومكنش عندي مشكلة  اطلع ام لفنانات السن بينا متقارب.

وتابعت: أنا ببص للدور قبل ما ابص أم مين  واتعرض عليا زواج بالأكراه كنت هطلع أم زينه وبصيت على الدورشكلًا وموضوعًا.

وأضافت: كنت هعمل دور ست اتجوزت وهي عندها 16 سنه وخلفت ولد وبنت  ومشيت ورجعت بعد 20 سنة يعني سنها 25 وأنا شكلي كان اكبر من 25 سنة.