ياسمين عز ترد على هجوم مايان السيد: مش بحب قلة الأدب والإنسان المهم بيتسأل على أعماله

ردت الإعلامية ياسمين عز على تصريحات مايان السيد ، وذلك خلال برنامجها كلام الناس الذي يُعرض عبر قناة أم بي سي مصر.

تحيا مصر يرصد لكم رد ياسمين عز على مايان السيد

وقالت ياسمين: أيمن بهجت قمر نزل بوست عن شخص انتقد أغنية قلب أسود لبهاء سلطان و قال كلمة واقعية وهي الشخص الناجح في حياته بينصح نفسه

وتابعت: في ناس وظيفتهم أن هما يقللوا من نجاح غيرهم ويحسسوا الناس انهم فاشلين زيهم ولما بسمعهم بفتكر مثل كان القرد نفع نفسه.

وتابعت: أنا مش بحب قلة الأدب وهرد عليكي بالأدب لما تكوني لسه في بداية حياتك الفنية ولسه طالعة جديد ومعندكيش أعمال كتير والصحفي ملقاش حاجة في شغلك يسألك عليها وسألك عني.

وأضافت: يبقى اتكلمي باحترام واشتغلي على نفسك اكتر وتخلي الصحافة المرة الجاية تسالك عنك انتي مش عني أنا.

واستكملت:  وربنا بيحبك عشان وقعك فيا انتي ممكن تقعي مع حد تاني يستلمك ولما الانسان يكون مهم يسالوه عن نفسه هو

واستطرت: أنا بمشي بمثل مين دق الباب لاقى الجواب وأحنا مش ملزمين نحب بعض بس مجبرين نحترم بعض.

مايان السيد تهاجم ياسمين عز

وكانت الفنانة الشابة مايان السيد هاجمت المذيعة ياسمين عز، وذلك خلال المؤتمر الصحفي لفيلم هاشتاج جوزوني.

وقالت مايان السيد عند سؤالها عن ياسمين عز: لا تعليق عليها.. مش هساعدها تتشهر.

أيمن بهجت قمر يهاجم منتقد أغنية قلب أسود

وكان الشاعر أيمن هاجم أحد الأشخاص الذي الفقد أغنية قلب أسود وكتب أيمن بهجت قمر عبر حسابه بموقع التواصل الاجتماعي فيسبوك: في بعض الصغيرين في الحقل الموسيقي ما اتعلموش يعني إيه زمالة ما اتعلموش يعني إيه احترام والمفاجأة إنهم أقزام في المهنة..حقيقي بشفق عليهم من الغيرة لأنهم فعلا تحت وتحت أوي والناجح الشاطرهو اللي بيفضل باصص عليهم من فوق ربنا يهديهم.

واستكمل: بص يا حبيبي حضرتك لما شغل زمايلك ينزل من الأدب إن لو فيه حاجة ماعجبتكش تسكت لإنك هارينا أعمال رخيصة وساكتين، أنت تنصح نفسك تنفع نفسك تخليك في نفسك.
أيمن بهجت قمر: أنت بعيد وضئيل.. يعني أنت بتنصحنا عشان نبقى في مكانتك مثلا أنت بعيد أوي وبعيد عشان باصص على غيرك وبتلهث وراه عشان كده أنت ضئيل، ربنا يعينكم على نفسيتكم أنا سعيد لإني مش زيكم وعمري ما كنت زيكم