بهاء سلطان: باخد رأي زوجتي  في الأغاني وأغنية أنا مصمم كانت محتاجه جرأة

كشف الفنان بهاء سلطان بأنه دائمًا ما ياخذ رأي زوجته في أغانيه، كما كشف بهاء سلطان كواليس أغنية أنا مصمم التي حققت نجاحًا كبيرًا.

تحيا مصر يرصد لكم تصريحات الفنان بهاء سلطان

وقال بهاء سلطان خلال لقائه في برنامج أنغام التي تُقدمه الفنانة أنغام عبر قناة دي أم سي: باخد رأي مراتي في الأغاني وهي ليها في الغنا وبتقولي دي أغنية حلوة وكلامها بيطلع صح.

وأضاف: مراتي بتسمع أغاني كتير وبتنصحني ولما بتلاقيني مش بسمع كلامها بتسبني براحتي وهي عندها الأذن الموسيقية.

بهاء سلطان: أغنية أنا مصمم كانت مختلفة

وكشف بهاء سلطان بأنه كات يعتبر أغنية أنا مصمم تحدي وقال: أنا مصمم كانت مختلفة بالنسبالي وبهاء محروس قالي هي محتاجة جراءة، والأغنية كانت جديدو عليا لكن نجحت ولسه بتتسمع لغاية دلوقتي.

واستكمل: من كتر نجاح أنا مصمم جربناها مرة وهي منطقة هادية وأنا متعود أزعق شوية وبغني شعبي والاغنية كانت جديدة عليا بس عجبت الناس.

لترد عليه أنغام وتقول: الصوت اللي بيغني الشعبي صوت فيه خصوصية ومفيش حد بيختلف عليه ودي الحته بتاعت المصريين ومفيش حد يعرف يعملها.

وأضاف: ببقى خايف الاغنية هتتقبل ولا وببقى شايل همها ومسئولية الأغنية بتخليني قلقان أكتر ما أنا فرحان وجوا الشغل بحس إني مع اخواتي وصحابي.

بهاء سلطان: عمري ما جربت ألحن

وكشف بهاء سلطان أنه ليس لديه ملكة تلحين الأغاني موضحًا أنه ليس لديه هذه الموهبة وأقترح عليه الفنان تامر عاشور أن يقوم بالتلحين ولكنه رفض، قائلاً: هجرب مرة بس خليني في الغنا أحسن.

كلمات أغنية أنا مصمم

أنا زعلتك في حاجة، طب إيه يا حبيبي هي
بتداري عينك ليه، لما بتيجي في عينيّ
وحكايتك بس إيه، فيك حاجة مش عادية
قول لي يا حبيبي حاجة، متصعبهاش عليّ

أنا زعلتك في حاجة، طب إيه يا حبيبي هي
بتداري عينك ليه، لما بتيجي في عينيّ
وحكايتك بس إيه، فيك حاجة مش عادية
قول لي يا حبيبي حاجة، ما تصعبهاش عليّ

أنا مصمم مش ماشي قبل ما تتكلم
(مقدرش أسيبك تتألم (ساكت يا حبيبي ليه
أنا ضايقتك طب قلت حاجة ما تتقالش
(مش ماشي ولا سايبك تمشي (قبل أما أفهم في إيه

أنا مصمم مش ماشي قبل ما تتكلم
(مقدرش أسيبك تتألم (ساكت يا حبيبي ليه
أنا ضايقتك طب قلت حاجة ما تتقالش
(مش ماشي ولا سايبك تمشي (قبل أما أفهم في إيه

قول لي حبيبي بصراحة، ومشاعرك ليّ سيبها
الدمعة اللي في عيونك، عرفني إيه سببها
عينك في عينيّ لكن، حاسس بمسافة بينا
في حاجات غالية علينا، بتضيع يا حبيبي منا

عايز تعاتبني عاتب، طب ليه عمال تفكر
ما هو ده الوقت المناسب، قبل الأحزان ما تكبر
يا حبيبي سايبني ليه، عايش في الحيرة ديَّ
وإن كانت غلطة مني، يبقى حقك عليّ

أنا مصمم مش ماشي قبل ما تتكلم
(مقدرش أسيبك تتألم (ساكت يا حبيبي ليه
أنا ضايقتك طب قلت حاجة ما تتقالش
(مش ماشي ولا سايبك تمشي (قبل أما أفهم في إيه

أنا مصمم مش ماشي قبل ما تتكلم
(مقدرش أسيبك تتألم (ساكت يا حبيبي ليه
أنا ضايقتك طب قلت حاجة ما تتقالش
(مش ماشي ولا سايبك تمشي (قبل أما أفهم في إيه

مقدرش أسيبك تتألم
أنا ضايقتك طب قلت حاجة ما تتقالش
مش ماشي ولا سايبك تمشي
أنا مصمم مش ماشي قبل ما تتكلم
(مقدرش أسيبك تتألم (ساكت يا حبيبي ليه
أنا ضايقتك طب قلت حاجة ما تتقالش
(مش ماشي ولا سايبك تمشي (قبل أما أفهم في إيه