بهاء سلطان: تعالى أدلعك وش السعد عليا ووالدتي ست طيبة وفي حالها

تحدث الفنان بهاء سلطان عن نجاح أغنية الواد قلبه بيوجه، كما تحدث عن دعم اسرته له، كما تحدث عن أغنية تعال أدلعك.

تحيا مصر يرصد لكم تصريحات بهاء سلطان مع أنغام

وقال بهاء خلال استضافته في برنامج أنغام التي تقدمه الفنانة أنغام عبر قناة دي أم سي في يومي الخميس والجمعة من كل أسبوع: الواد قلبه بيوجعه مكنتش متخيل أن هي تعمل الصدى ده كله ومكنتش عارف هغنيها أزاي بس طلعت كويسه وعملت صدى كويس عند الناس.

وتحدث عن دعم أهله له في الغناء وقال أن شقيقه كان أكثر شخص يدعمه، وكشف أنه ورث الصوت العذب من أبيه وقال بهاء: أبويا كان صوته حلو لأنه كان بيقرأ القرآن ويرتله وأنا خدت الصوت منه.

بهاء سلطان: والدتي ست طيبة وفي حالها

وتابع: والدتي زي الستات المصرية القديمة في حالها وكان عايزاني أبقى كويس وناجح وبس، وأخويا الكبير الوحيد اللي خد باله من موهبتي وكان اخويا بيغني مع صحابه.

واستكمل: امي وابويا شافوا ناجاحي لغاية الألبوم اللي اصدرته في 2012، بس مفيش أي حاجة اتختلفت، وهما كانوا بيشاركوني ألبس إيه في الحفلات بس، وأنا زهقتهم بسبب طلباتي.

وأضاف: أهلي كانوا بيتبسطوا لما يسمعوني وأنا في الأوضة بقول ابتهالات للشيخ النقشبندي.

بهاء سلطان يكشف كواليس أغنية تعال أدلعك 

وتحدث بهاء سلطان عن اغنية تعالى أدلعك، وكشف عن سر روح الأغنية وقال: الملحن بيبقى ليه دور كبير في الغنا، وأنا لو أتسابت براحتي هزود في الكلام ومش هيطلع بالشكل المظبوط.

وأضاف: هما بيسبوني أغني لوحدي،  وبعدين بيعدلوا عليا والروج في الأغنية بتطلع لوحدها.

استكمل: كل اللي حواليا تعبوا معايا واتمنى تفضل المحبة دايما بينا ومحظوظ بيهم.

وأضاف: بحب كل واحد يشوف شغله ومش بحب أعيش في الدور وأفرض رأيي و ربنا موفقني بشكل مش طبيعي غير الباقي وقبل الغنا كان ربنا بيكرمني برضو.

بهاء سلطان: تعال أدلعك وش السعد عليا

وقال بهاء: أغنية تعال ادلعك وش السعد عليا وأول حاجة أعملها بعد الفترة اللي مكنتش بغني فيها وهي كلمات وألحان عزيز الشافعي وفكرنا وأحنا قاعدين نعملها وطلعت بالشكل ده.