تكريم الفنان يحيى الفخراني في المهرجان المصري الأمريكي للسينما بـ نيويورك

يُقام اليوم حفل المهرجان المصري الأمريكي للسينما في دروته الثانية، والمقام في نيويورك، ومن المقرر أن يُشارك فيه 22 دولة  و350 فيلمًا، ويستمر المهرجان حتى 6 نوفمبر المقبل.

تحيا مصر يرصد لكم تفاصيل تكريم يحيى الفخراني في المهرجان المصري الأمريكي للسينما

وأعلن المهرجان أنه سيتم تكريم الفنان الكبير الدكتور يحيى الفخراني في المهرجان وذلك تقديرًا لتاريخه الفني وإسهاماته فى إثراء الفن العربى والسينما المصرية.

إلهام شاهين وهاني لاشين على رأس الحضور في المهرجان المصري الأمريكي للسينما

وحرص عدد كبير من الفنانين على حضور المهرجان ومنهم الفنانة إلهام شاهين، والمخرج هانى لاشين، والمخرج شادى الفخرانى، والإعلامية رشا سليمان .

يحيى الفخراني يكشف سبب تأجيله لعمله الدرامي لرمضان 2024

وكان الفنان يحيى الفخراني كشف عن سبب تأجيله عمله الدرامي لرمضان 2024 وقال خلال مكالمة هاتفية أجراها في برنامج الحكاية الذي يُقدمه الإعلامي عمرو أديب: السنة اللي جاية، هنبدأ نشتغل فيه، دي حصري، أول مرة هقولها، في عمل لعبد الرحيم كمال وشادي الفخراني بس مش لرمضان ده، اللي بعده، بعد شهر بالظبط، عبد الرحيم يفضى وهنبدأ نشتغل فيه، كان المفروض يتعمل السنة دي، بس لقينا عبد الرحيم مشغول، فقررنا إن إحنا نأجله السنة الجاية، مفيش مشكلة خالص، ولازم يبقى معايا ورق على الأقل 20 حلقة، وابقى عارف النهاية بعد كده في العشر حلقات الباقيين، لازم أبقى ضامنهم يعني.

وأضاف: شايف إن ديما الفن مرآة للمجتمع، والواحد ميتخضش، هو لازم يطلع وينزل ويهبط شوية، لكن أنا شايف إن الفن كويس، وهو فيه حاجات زي الزمن، العمق الفكري قليل شوية عن التكنولوجيا اللي غلبت، بس كله عمق، الفن ما بين دلوقتى و10 سنين فاتوا، لأ، أنا مببصش على الفن كده، المهم عندي يبقى موجود، المهم إنه مبيبطلش، لما يبطل يبقى ده الخطر، لكن طالما موجود، تأكد هيبقى أفضل.

يحيى الفخراني:  كنت حابب جدًا أفلام المقاولات

وأستكمل: حتى أيام ما قالوا أفلام المقاولات، أنا كنت حابب جدصا أفلام المقاولات، لإن دي اللي هتعيّش الحكاية، لو متعملتش أفلام المقاولات دي، الناس مش هتقبل على الأفلام الكويسة، مش هتبقى موجودة الحاجة الكويسة، الناس هتفضل تروح سينما، لغاية ما يخبطوا في حاجة كويسة، بس هو إمتى بقى تبقى كويسة وممتعة؟، المتعة في المقام الأول بالنسبة للفنون، مش بس القيمة الفكرية يعني.