تامر أمين يكشف حقيقة خلافه مع شريف مدكور:"الكلام مكنش في تجريح ولما بكون عايز اهاجم حد مبتوصاش"

تحدث الإعلامي تامر أمين خلال لقائه ببرنامج حبر سري الموسم الثالث، عن خلافه مع شريف مدكور، وصحة ما قاله عنه، وذلك عبر شاشة قناة القاهرة والناس.

تحيا مصر يرصد لكم تصريحات تامر أمين في برنامج حبر سري 

تامر أمين وشريف مدكور 

وقال تامر أمين، عن رد شريف دكور عليه “احنا مش صحاب”: انا شوفته كذا مرة، ويمكن مش اصدقاء اوي، بس اتقابلنا في مناسبات عامة، وانا كنت ضيف زميل يوسف الحسيني في الراديو، ولما بكون عايز انتقد او بهاجم حد مبتوصاش.

وتابع تامر أمين: الكلام مكنش في اي تجريح، واقتطاعه على اليوتيوب بوظ الدنيا، وقولت إن من حرفنته بيكون ليه شخصية لوحده، وقولت انه انجح إعلامي في برامج الأسرة والطفل، وكلنا عندنا شخصية في البرنامج، لكن حياتي الخاصة مش هي اللي بطلع فيها على الشاشة.

واختتم تامر أمين: وفي الحلقة دي شكرت فيه، فـ ازاي هيبقى هدفي اجرح فيه، وانا بكنله كل تقدير واحترام، بس ولاد الحلال وصولوا الكلام بطريقة مختلفة.

تامر أمين يجرب الممنوعات 

وقال تامر أمين عن تجربته للممنوعات أخرى، مختلفة عن تصريحه “جربت الحشيش ومعجبكش”: جربت البانجو، وكانت في نفس الليلة السودا، واحد اداني السجارتين سوا، وأنا قولت ان زمن المراهقة بتبقى عايز تجرب كل حاجة، واحد قالي خد يابني انت كبرت، وقولتلهم ايه الحكمة في اني ابقى قاعد متيس، وروحت البيت بمساعدة أصدقائي.

تجربة تامر أمين مع خلفة البنات 

وتحدث تامر أمين عن خلفة البنات، ومدى تأثيرها على شخصية الرجل، قائلًا: حصل بحذافيره، عندي بنتين غيروني على المستوى الإنساني، عرفوني يعني ايه رقة الدنيا ودلع الدنيا، وعلى مستوى الرزق، وكل الخير اللي جالي كان مع قدوم البنتين.

وتابع: طول الوقت سعيد بيهم جدًا، وتربيتهم وخلفتهم ألطف عشان الولاد أشقياء، وقولت نفسي في بنت تانية لما مراتي كانت حامل.

تامر أمين: الراجل المنفسن بعشر ستات 

وعلق تامر أمين خلال الحلقة عن تصريح سابق له “الراجل المنفسن بعشر ستات”، قائلًا: كتير وكلهم ولاد كاري، اللي بيغيروا من نجاحي، والنفسنة درجة قليلة، وربنا يعافينا منهم، وبتجاهلهم، وجزء اساسي من شرهم انهم طول الوقت يلهوكي من الشغل والنجاح.

وعن إحساسه بالغيرة سابقًا، قال: طبعًا غيرت، وغيرت على النجاح وفي فرق بين الغيرة والنفسنة وبقول برافو عليك، مش بحاول اشوهه أو اوقعه.