مأساة زوج : مراتي لابسة مقفل طول الوقت ومش بتلبس لي قمصان نوم زي بقية الستات

"مراتى مش بتعرف تدلعني ولما ببص برة بتزعل " .. بتلك الكلمات روي زوج من أمام محكمة الأسرة لتحيا مصر عن زوجته التي تفتقر إلي الطريقة الأنثوية التي تعاملن بها الزوجات أزواجهن مما أدي إلي نفور زوجها منها وقراره بالأنفصال عنها .

مراتي بسطتني في أول الجواز بس 

بدأ الزوج حديثه لتحيا مصر :" أنا ومراتي متجوزين من سنتين ولسة مجيبناش أطفال وده بقرار مننا احنا الأتنين عشان لسة في بداية حياتنا ومش عايزين نبدأها بمسؤولية خلفة وأطفال بدري كدة في أول سنة مراتي كانت مدلعاني ومهنياني ومش مخلياني أشوف واحدة غيرها لكن بعد سنة كل حاجة أتغيرت وبدأت احس أني عايش مع واحد صاحبي لما بدأنا انا وهي ناخد علي بعض مبقاش عندها نفس الشغف أنها تبسطني وتملئ عيني زي ما كانت في الأول ".

ولا بتوريني شعرها ولا جسمها 

وتابع الزوج :" أغلب الوقت حتي في الصيف ألاقيها لابسة بيجامة بكم أو عباية طويلة ورابطة شعرها لفوق ولما أجي أطلبها للعلاقة الزوجية تحسسني أني راجل غريب ومليش حق ألمسها وتفضل تتحججلي بألف حجة عشان أبعد عنها وحتي في الاوقات العادية بيبقي من حقي كأي زوج طبيعي أني ألاقي مراتي مسيبالي شعرها ولابسالي قميص نوم ملون وحطالي ريحة حلوة عشان لما أرجع من الشغل وأشوفها أحس أنها مهتمة بيا وبنفسها لكن هي حرماني من كل ده ".

بقيت أبص بره بسببها وهي مش عاجبها 

واختتم الزوج :" أنجدوني من مراتى  بقيت أبص للستات اللي برة بسببها وهي مش عاجبها وأنا مكنتش كدة حتي قبل الجواز ولما جيت في مرة أقولها أنك " لو متغيرتيش وعملتيلي زي ما بقية الستات بتعمل لرجالتها أنا هتجوز عليكي " راحت هي ردت عليا وقالتلي " بص براحتك وأنت مش هتلاقي في ربع جمالي " لكن يفيد بأية الجمال وهي مفيهاش روح ولا دلع وعشان كدة طلقتها عشان أعرفها أن مش أنا الراجل اللي تيجي واحدة ست تشوف نفسها عليه وتفتكر أنه مش هيقدر يستغني عنها عشان جميلة ومسيري أعرف وأتجوز ست ستها وهي وقتها اللي مش هتعرف تعوضني تاني