أمل رزق: فقدت بصري لمدة 6 شهور واتجوزت وأنا عندي 19 سنة

كشفت الفنانة أمل رزق عن أسرار في حياتها الشخصية وقصة زواجها من المنتج الراحل إسماعيل كتكت، كما كشفت عن فقدانها للبصر لمدة 6 أشهر.

تحيا مصر يرصد لكم تصريحات أمل رزق

وقالت أمل رزق خلال استضافتها في برنامج كلم الناس التي تُقدمه الإعلامية ياسمين عز ويُعرض عبر قناة أم بي سي مصر أنها كانت تريد أن تمثل على الرغم من أن جميع أفراد عائلتها خريجي كليات الطب، وتابعت: قولتلهم أنا همثل وهدخل كلية أداب، وجالي في الوقت ده عريس من أمريكا وكان هياخدني ونسافر، وكان في الوقت الحالي إسماعيل صديق العائلة.

وتابعت: وفاجأة إسماعيل قال لبابا أنا هتجوز أمل بعد ما بابا قاله على عريس أمريكا، وأنا وافقت بدون نقاش على الرغن أن فرق السن بينا كان كبير، بس أنا كنت بحبه ودمه كان خفيف وبيحب الحياة.

أمل رزق: اتجوزت وأنا عندي 19 سنة

وأضافت: أنا اتجوزت وأنا عندي 19 سنة ومنصحش إي بنت في الجيل الحالي تعمل كده لإني شيلت المسئولية بدري جدًا وكمان فضلت أخلف بس أنا كنت فرحانة، لكن الجيل الحالي صعب يشيل المسئولية بدري.

زواج أمل رزق للمرة الثانية

وكشفت أمل رزق أن بعد وفاة زوجها إسماعيل تزوجت مرة أخرى موضحة: ربنا رزقني بشخص كويس جدًا ميختلفش عن إسماعيل وكنت لوحدي أنا وبناتي وكان لازم يبقى معانا راجل.

وتابعت: كان بناتي رافضين زواجي في البداية بس اقنعتهم بالعافية وكنت مخبيه عنهم في الأول بس بعد كده حبوه جدًا هو وعائلته.

وكشفت أمل أن هناك بعض الأشخاص كانوا يتوددوا لها هي وزوجها إسماعيل كتكت، طمعًا في أن يقوم كتكت بترشيحهم لعمل فني.

وقالت: كلهم كانوا كده وكلهم كنت بشوفهم كل يوم ومن كتر المجاملات كنت تعبت وكانت حياة الناس واقفه على وجودنا في كل المناسبات وبعد كده اتباخروا وبعدوا و انا مش فارقلي بس بستغرب جدًا من رد فعلهم و ربنا مديني كرم لما حد بيبعد عني حد بنسى اسمه وبنسى شكله.

 أمل رزق: فقدت بصري 6 شهور

وكشفت أمل رزق أنها تعرضت لصدمة أدت إلى فقدانها بصرها وقالت: في 2013 زعلت وفي عصب في دماغي ضرب وفقدت بصري 6 شهور.

وتابعت: دكتور المخ والأعصاب مكنش عارف السبب و كان بيديني كورتزون وقالي أن بصري هيرجع والحالات دي بتقعد سنة أو سنتين.

وأستكملت: بعد 6 شهور بصري رجع لوحده وكنت بدعي ربنا كتير، وكنا في رمضان وكنت بدعي نظري يرجع عشان أروح الحج، والدكتور استغرب ازاي بصري رجع تاني.