حمزة نمرة يبدأ اول ورشة كتابة وتلحين لألبومه الجديد

اعلن المطرب حمزة نمرة عن بدء كتابة وتلحين البومه الجديد الذي من المقرر تسجيله خلال الأيام القليلة المقبلة، ويشهد عودة قوية الفنان بعد طول غياب.

تحيا مصر يرصد في ذلك التقرير تفاصيل البون حمزة نمرة الجديد

حمزة نمرة يبدأ في البومه الجديد

شارك حمزة نمرة عبر حسابه الرسمي بموقع تبادل الصور والفيديوهات انستجرام، صورة له من داخل الاستديو، أثناء تحضيره لألبومه الجديد، وعلق عليها: أول ورشة كتابة وتلحين للألبوم الجديد.

وكان قد شهدت الأيام الماضية حفلا غنائيا جماهيريا للفنان حمزة نمرة، وذلك على مسرح الارينا بمركز المنارة بالتجمع الخامس بالقاهرة، وقدم خلاله عدد من أغنياته المميزة والتي من بينها أغنيته الأخيرة التي أحدثت ضجة عريمة عبر مواقع التواصل الاجتماعي المختلفة والتي أتت بعنوان "فاضي شوية".

حفل حمزة نمرة بالمنارة

وجاء حفل حمزة نمرة بالمنارة، بأسعار تذاكر تراوحت بين 2500 جنيه للفئة الاولى، والثانية بسعر 1500 جنيه، والثالثة بسعر 750 جنيها والأخيرة بسعر 350 جنيهًا.

اخر أعمال حمزة نمرة

يذكر، أن اغنية فاضي شوية تعد اخر أعمال حمزة نمرة الغنائية، إذ أضافت له العديد من النجاحات بعد تخطيها 240 مليون مشاهدة فور طرحها بشهور قليلة، وتداولها عدد كبير من رواد السوشيال ميديا على صفحاتهم، ولاقت شعبية كبير من قبل الجمهور.

وجاءت كلمات أغنية فاضي شوية على النحو الآتي:

اه يسلام
سيبنا الوقت يعدي أوام ما حسبناش اللحظة الجاية
ده إسمه كلام
عيشنا العمر نربّي حمام بس نسينا نقوم غيّة

وما يهمكش عادي إسمع مني الساعة دي
مش وقت عتاب أو لوم
آه فيها إيه لو نرجع ثاني
وبدل ما تكون وحداني تسندني معاك ونقوم
فاضي شوية نشرب قهوة في حتة بعيدة
إعزمني على نكتة جديدة وخلّي حساب الضحك عليّ
فاضي شوية نشرب قهوة في حتة بعيدة
إعزمني على نكتة جديدة وخلّي حساب الضحك عليّ

ده احنا يا ذوب
ما لحقناش نقرا المكتوب علشان نلقى هموم وقسية
ده إسمه كلام
عيشنا العمر نربّي حمام بس نسينا نقوم ِغيّة

عارفك مشغول ليام دي
ما أنا زيك بس عندي حكايات صعب أخبيها
واكمنك داري بحالي
مذاكرني وعارف مالي مستني عشان أحكيها
فاضي شوية نشرب قهوة في حتة بعيدة
إعزمني على نكتة جديدة وخلّي حساب الضحك عليّ
فاضي شوية نشرب قهوة في حتة بعيدة
إعزمني على نكتة جديدة وخلّي حساب الضحك عليّ

موج الدنيا أناني وعالي
وإنت لوحدك وأنا لسه لي عمر هعيشه معاك لو يوم
ماشي براحتك بس راهنّى
على يوم منّك وسنين منى إنك ما بتعرفش تعوم

وما يهمكش عادي اسمع مني الساعة دي
مش وقت عتاب أو لوم
فيها إيه لو نرجع ثاني
وبدل ما تكون وحداني تسندني معاك ونقوم
فاضي شوية نشرب قهوة في حتة بعيدة
إعزمني على نكتة جديدة وخلّي حساب الضحك عليّ
فاضي شوية ده أنا واحشاني القعدة معاك
وإن ما قدرتش تيجي هناك هستناك المرة الجاية

فاضي شوية نشرب قهوة في حتة بعيدة
إعزمني على نكتة جديدة وخلّي حساب الضحك عليّ
فاضي شوية ده أنا واحشاني القعدة معاك
وإن ما قدرتش تيجي هناك هستناك المرة الجاية