حماقي: أحضر للألبوم الجديد وهذا سبب تأخيري لخطوة التمثيل

كشف الفنان محمد حماقي عن بدء تحضيره لألبومه الجديد، وتحدث عن تفاصيل الألبوم، كما كشف عن سبب تأخره في خطوة التمثيل.

تحيا مصر يرصد لكم تصريحات الفنان محمد حماقي

وقال حماقي خلال لقائه في برنامج the insider: بدانا نشتغل في الألبوم الجديد وهينزل الصيف اللي جاي وهيكون مكون من 10 لـ 12 أغنية.

وتابع: أنا نزلت الصيف اللي فات أغنيتين سينجل ادرنالين وقلبي حبك جدًا، والصيف الجاي هيكون الألبوم كامل.

وأضاف: معايا نفس فريق العمل في الألبوم الجديد وبكون دايمًا حريص أن يكون في ناس جديدة معايا لأن المزيكا بتختلف وبتتغير كل فترة.

حماقي يكشف سبب تأخره عن التمثيل

وعن سبب تأخره في خطوة التمثيل قال حماقي أنه يسعى دائمًا لتقديم أشياء تليق بالجمهور، ودائمًا ما يختار كل شئ بدقة، وأوضح: لما بقدم حاجه للناس تكون تليق بيهم وعلى قد التاخير ومن زمان وأنا بحب السينما وعايز أمثل ولكن مستني أقدم حاجه مختلفة وده معطلني وكل ما نوصل لفكرة مش بتكمل ومش بترضيني لكن أنا ورا التمثيل ومش هسيبه.

وكشف حماقي أنه سيقدم العديد من الحفلات خلال الفترة المقبلة موضحًا أنه سُيقيم حفلات في السعودية ودبي وأبو ظبي، والبحرين.

حماقي يشجع الأرجنتين في كأس العالم

وكشف حماقي عن فريقه المُفضل في كأس العالم، وقال: أنا بشجع الأرجنتين من وأنا صغير، وفي الوطن العربي بشجع كل الفرق العربية.

وأضاف: في مباراة السعودية والأرجنتين أكيد أنا هشجع السعودية طبعًا والدعم الجماهيري هيكون كبير للفرق العربية خصوصًا أن كأس العالم مُقام في قطر. 

وكانت أغنية قلبي حبك جدًا للفنان محمد حماقي حققت نجاحًا كبيرًا بعد طرحها عبر قناته بموقع الفيديوهات الشهير يوتيوب.

كلمات أغنية قلبي حبك جدًا

أنا قلبي، قلبي، قلبي ذاب وإنت، إنت مين
غير كل الناس إيش جاب لجاب قول لي جيت منين
يا قمر وطالع في المكان خذ عينيّ لما بان
كان فينك بقى من زمان فين، فين، فين

قلبي حبك جدا، جدا، جدا إنت ليه قلقان
سلم يلا استسلم مش هتكلم الموضوع خلصان

إنت اللي عمري معه واللي عيوني يشاوروا عليه
أنا قلبي قال لك آه طب مستني أقول لك إيه
الحب ليه مداريه قول لي ليه، ليه، ليه
قول لي ليه، ليه، ليه

قلبي حبك جدا، جدا، جدا إنت ليه قلقان
سلم يلا استسلم مش هتكلم الموضوع خلصان

أنا روحي، روحي، روحي فيك هتجنن عليك
أنا أبيع الدنيا واشتريك عمري بين إيديك
اسقيني من حبك كمان نسيني الماضي اللي كان
كان فينك بقى من زمان فين، فين، فين

قلبي حبك جدا، جدا، جدا إنت ليه قلقان
سلم يلا استسلم مش هتكلم الموضوع خلصان

إنت اللي عمري معه واللي عيوني يشاوروا عليه
أنا قلبي قال لك آه طب مستني أقول لك إيه
الحب ليه مداريه قول لي ليه، ليه، ليه
قول لي ليه، ليه، ليه

قلبي حبك جدا، جدا، جدا إنت ليه قلقان
سلم يلا استسلم مش هتكلم الموضوع خلصان

قلبي حبك جدا، جدا، جدا إنت ليه قلقان
سلم يلا استسلم مش هتكلم الموضوع خلصان