عميل المصرية للاتصالات We ينتقد: شركة استغلالية

انتقد عميل المصرية للاتصالات We مستوى الخدمات المقدمة من الشركة لاسيما عند تركيب الانترنت واصفًا الشركة بأنها استغلالية، ويواصل تحيا مصر رصد كافة التفاصيل عن شكوى عميل المصرية للاتصالات we وتفعيل خدمة الانترنت.

عملاء المصرية للاتصالات We من ضعف الانترنت وتجاهل خدمة العملاء

المصرية للاتصالات we تكشف آخر توقيت لدفع فاتورة التليفون الأرضي

المصرية للاتصالات We

قال أحد عملاء المصرية للاتصالات we  في شكوى على موقع التواصل الاجتماعي "فيسبوك"،: "أنا من كام يوم كدا قررت اركب نت ارضي عشان أعمل عليه نت ف رحت شركة we  قدمت عالنت الارضي و الدنيا تمم .. قالولي روح وهنكلمك لما نلاقي رقم الصراحة مطولتش لقيتهم بيكلموني تعال استكمل بياناتك".

وأضاف: "رحتلهم لقيتهم جايبنلي رقم واحد بس و متاخد من شخص اهر و منزل عليه انترنت في مينفعش اخدو و لازم يكلمو السنترال يقدمو شكوا و طلب أرقام".

تركيب نت المصرية للاتصالات We

واستكمل : "المفروض كان ياخد ٤٨ خلصو ال 48 ساعة و بعدين لقيتهم بيقولولي يافندم إحنا شغالينلك من 11 الصبح كدا في 200 جنيه اتعاب عمال و بتاع عارف مش المفروض اديهم حاجة بس عشان اخلص دفعت 200 جنيه وتعاقد بـ 250 ونت باقة جيجا 250 بـ 250 يعني 700 جنيه طيب و هات سلك نحاس كويس 20 متر كلفني 100 جنيه وعميل تبع الشركة هو الي باعهولي، وكهربائي يركب السلك على حسابي يعني كدا كلو 900 جنيه .. طيب هيقعد اد ايه النت عشان يشتغل  الرد كان يومين عمل 3 أيام عمل والنت مجاش بعدين بقلهم صحيح هو الراوتر ايه نظامو القسط بتاعو كام اصل أنا نسيت اخدو منكم .. قالي لا يفندم موضوع تقسيط الجهاز دا اتلغى و لازم تشتريه طب بكام  قالي ب الف جنيه وشوية.. طبعا انا الوقتي صعب اني اشتري راوتر بالمبلغ دا و انا لسا طالب بيقلك فيزا مشتريات برضو إزاي والنت مش شغال .. المهم كل دا النت لسا مشتغلش".

واستطرد: "تجيلي مكالمة يوم الخميس من السنترال تقلي يفندم ملكش مكان فشرمة wee  عندك حل من 2 الاول انك تستنى 4 شهور عقبال منوفرلك مكان و التاني انو تشترك فشركة اتصالات أو اورانج أو نور".

خدمات المصرية للاتصالات we

وعلق: "المهم جالي عرض حلو من اتصالات عجبني رحت عشان اقدم قلي انت محجوز مع وي رحت قدمت طلب الغاء و استرداد نقديات من we  المدير هو الي عملو و قالي تم يفندم خلال 24 ساعة تعال استلم فلوسك  بعد 24 ساعة لقيت رسالة تم تفعيل النت عند حضرتك و ال يوزر و الباسورد كذا كذا ..

وأضاف : "انا اتصدمت قلت ازاي و انا مقدم طلب الغاء امبارح يجيني النت النهاردة، رحت الفرع قالي النت عند اتفعل قدامك حل من 2 يا تلغي و تروح عليك فلوسك يا تكمل الشهر و تلغي بعدين".

وقال: "أكمل الشهر ازاي و انا معيش راوتر و انا عندي دراسة و شغل عالنت و النت بقا حاجة أساسية طيب يجماهة اعملولي اكسبشن وقسطولي الراوتر او حد يتصرف فراوتر شهر و يبقى خدوه تاني لا مفيش اكتب شكوا و بعدين نشوف الكلام الي انتا بتقول عليه".

وعلق: "خلاصة الموضوع انو شركات الانترنت فمصر بقت استغلالية لاقصى درجة و بدون أي موضوعية فالتعامل يعني لو اخدت الراوتر منهم يبقى انا دافع 2000 جنيه عشان ادخل نت عندي  حسبي الله و نعم الوكيل".