كارمن سليمان: والدي ووالدتي متطلقين.. ولما خدوا رأيي قبل الطلاق قولتلهم اتفضلوا

كشفت الفنانة كارمن سليمان عن تفاصيل مرحلة طفولتها وعلاقتها بوالديها وقصة طلاقهما، وذلك خلال لقائها اليوم ببرنامج “AB TALKS” مع أنس بوخش.

تحيا مصر يرصد تفاصيل تصريحات كارمن سليمان مع أنس بوخش

حيث تحدثت كارمن سليمان عن طفولتها قائلة: “طفولتي كانت حلوة وجميلة وكنت دلوعة.. عيلتي كانت غنية لحد في مرحلة ابتدائي لما جدي توفى كل حاجة ابتدت تبوظ.. جدي كان متجوز 2 جدتي كانت التانية وكلنا كنا عايشين في نفس المكان”.

وتابعت: “فلما جدي توفى وحصلت مشاكل كتيرة في الشغل كل واحد تفرق وبقى لوحده.. من الوقت دا كانت الظروف صعبة وكان فيه أوقات كويسة وأوقات لا بس بشكل عام كانت طفولة حلوة”.

علاقة كارمن سليمان بوالديها

وعن علاقتها بوالديها قالت كارمن سليمان: “وعلاقتي مع والدي ووالدتي كانت حلوة.. هما دلوقتي منفصلين من قريب فلما جم خده الخطوة دي وسألونا بالنسبة لاختي فرح كان الموضوع صعب ومكانتش متقبلة الموضوع أوي”.

وأضافت: “وبالنسبالي أنا قولتلهم اتفضلوا، قالولي انتي مش متضايقة قولتلهم عشان انتم مش متفقين، وأنا هما دلوقتي علاقتنا حلوة جدا.. فيه حاجات مع والدتي بنتفق فيها وحاجات كتير لا وأنا ووالدي متفقين دايما”.

صعوبات الزواج في سن مبكر

وعن الزواج في سن مبكر قالت كارمن سليمان: “الزواج في سن بدري خلاني أحس ان فيه حاجات كان لازم أعملها لوحدي زي السفر.. وكل الحاجات اللي معملتهاش قبل الجواز ممكن أعملها دلوقتي بس هحس أن فيه حاجة ورايا بردو”.

وأضافت: “لا أؤيد الزواج في السن المبكر وممكن أؤيده بداية من سن 27 للمرأة لانه فيه تجارب كتير مش هتدخل فيها والراجل مش قبل 30 سنة ومصطفى جوزي اكبر مني ب 10 سنين”.

أخر أعمال كارمن سليمان

ومن الجدير بالذكر أن أخر أعمال المطربة كارمن سليمان أغنية “خيرة” التي تم طرحها عبر قناتها الرسمية على موقع الفيديوهات العالمي “يوتيوب” يوم 15 من شهر فبراير الماضي، وقد حققت الأغنية منذ طرحها وحتى الآن أكثر من 394 ألف مشاهدة.

كلمات أغنية “خيرة”

عسى الفرقه ما دام الله كتبها بيننا خيرة
أبمسح آخر دموعي وأبتبسم على فرقاه
صحيح إني خسرت اللي أبد ما عوضه غيره
ولكن الجفاء ظالم وأنا ظلم الجفاء ما أقواه