بين ايدين ربنا.. نادر أبو الليف يطلب الدعاء لشقيقه بعد تعرضه لوعكة صحية

كشف الفنان المصري نادر أبو الليف، اليوم الثلاثاء الموافق 1 نوفمبر عن تعرض شقيقه بهجت أنور لأزمة صحية نقل على أثرها إلى مستشفى مصر الجديدة التخصصي، مطالبًا جمهوره بالدعاء له بالشفاء العاجل.

تحيا مصر يرصد تعرض شقيق نادر أبو الليف لأزمة صحية. 

أزمة شقيق نادر أبو الليف الصحية

ونشر أبو الليف، صورة لشقيقه من داخل المستشفى عبر صفحته الرسمية بموقع التواصل الاجتماعي فيس بوك، وعلق عليها قائلًا: أرجو الدعاء لأخي بهجت أنور، فهو الآن بين إيدين ربنا في مستشفى مصر الجديدة التخصصي، ومحتاج دعواتكم بالله عليكم الدعاء، جزاكم الله كل  خير.

نادر أبو الليف وأزمته مع نقابة المهن الموسيقية 

على الصعيد الآخر، قال نادر أبو الليف خلال تصريحات تليفزيونية: دخلت مؤخرًا العناية المركزة وعملت جراحة ودفعت 88 ألف جنيه، ومستلفهم عشان أدفعهم للمستشفى، النقابة كانوا عايزين يدوني 15 ألف جنيه عشان أدفع تكاليف المستشفى اللي مستلفهم من صحابي، هما دول اللي انتخبناهم في المجلس، حرام عليكم، لو اتعرض عليا النهارةه أي حاجة هوافق عشان أوفر الأكل للأربعة اللي في رقبتي مراتي وعيالي التلاتة.

وأضاف نادر أبو الليف: حلو تاخد منيي ضريبة على أي فرح أو أي حفلة، ولما أتعب ملاقيكش في ضهري، اشمعنا متقفوش جمبي وأنا مافيش شغل، وحلمي عبد الباقي مش في إيديه الإمكانيات أنه يعمل لي حاجة، أنا معاشي 900 هيأكلولي عيالي إزاي؟ من مدارس وأكل وشرب، بقالي شهر مقدم الطلب لـسكرتير النقابة ووكيلها ومحدش بيرد عليا ولا يعبرني.

أسباب انفصال نادر أبو الليف وعلا رامي

من جانبه، خرجت الفنانة علا رامي عن صمتها كاشفة سبب طلاقها من المغني نادر أبو الليف رغم قصة الحب التي جمعت بينهما.

وقالت الفنانة علا رامي في تصريحات إعلامية: "أنا مطلبتش من أبو الليف يغير شكله.. بالعكس أنا كنت مشجعاه على شكله لأنه مختلف.. واتطلقت أنا وأبو الليف عشان مكناش فاضيين لبعض وكل واحد بقى عنده اهتمامات تانية فحسيت إن أنا بقيت لوحدي".