هدية ربنا اللي تعبت وربت.. النائب محمد السلاب يحتفل بعيد ميلاد والدته بكلمات مؤثرة

احتفل النائب محمد السلاب، وكيل لجنة الصناعة بمجلس النواب، بعيد ميلاد والدته، متمنيًا لها دوام الصحة والعافية.

وكتب النائب محمد السلاب، عبر صفحته الشخصية على فيس بوك: "فكرت كتير ممكن أكتب إيه عن أمي في عيد ميلادها، فيه ناس صعب تختصرهم في كلمات، وأمي مش أي ناس، دي أعز وأغلى وأهم الناس".

وأضاف: أمي اللي ربت وكبرت وتعبت، اللي شالت المسؤولية في وقت صعب وسدت في عز حزنها على والدي الله يرحمه وكانت أم وأب.. اللي ضمت العيلة كلها في حضنها".

وتابع: "بكلمة واحدة منها الصعب بيهون، بدعوة واحدة منها -سبحان الله- الدنيا بتمشي والمشاكل بتنحل".

وأضاف: "لما أسمع دعواتها وهي بتصلي بحس إن ربنا هداني، أمي اللي ماقدرش أعيش من غيرها ومن غير دعاها، ربنا يديها طول العمر والصحة ويحفظها لينا ودايما مجمعانا بضحكتها وأكلها الحلو ".

واختتم: "كل سنة وأنتي طيبة يا أمي،كل سنة وأنتي حضن بيضم ودعوة حلوة وهدية من ربنا لو قعدت أحمده عليها كل يوم مش هيكون كفاية".