عفرتو للفانز بعد اجتماع النقابة: كفاية شتايم هتوقف تاني

علق مغني الراب عفرتو على اجتماع النقابة الذي حضره قبل قليل، ووجه رسالة للفانز عبر حسابه الرسمي بانستجرام. 

تحيا مصر يرصد لكم تعليق عفرتو على قرارات النقابة 

عفرتو: شكرًا لأستاذ مصطفى كامل.. وكفاية شتايم يا فانز هتوقف تاني 

وقال عفرتو عبر خاصية ستوري في انستجرام: عايز اقول شكرًا لأي حد دعمني، شكرًا لأي حد وقف جنبي بكلمة بأي حاجة، احنا الحمد لله رجعنا وكله تمام وأنا رجعت ودلوقتي أنا زي مانا مش موقوف ومفيش عليا غرامة، والموضوع كان سوء تفاهم ولما عرفوا إن أنا متبلغتش أجي المعاد عملولي التماس. 

وتابع عفرتو: وشكرًا لأستاذ  مصطفى كامل نقيب الموسيقيين، الراجل فهم واتقبل مننا وكل حاجة تمام دلوقتي، محدش بقى يكتب شتايم والحاجات دي عشان متوقفش تاني.

النقيب عن ضرورة وجود فرقة موسيقية 

وقال النقيب مصطفى كامل خلال اجتماع النقابة المنعقد خلال الساعات الماضية: انتوا ولادنا.. لازم نحافظ إن ميبقاش في بطالة للعنصر الموسيقي، مش عايزين العنصر الموسيقي يبقى قاعد في البيت، إن انت تشغل تراك والتراك ده في مقبله بيحمل مزيكا، المزيكا دي المفروض اللي بيعزفها عازفين، حتى إن قل أعدادهم عن الحد الأقصى اللي كنا عاملينه للفنون الشرقية.

وتابع مصطفى كامل: إن احنا قولنا 12 ولكن في النهاية التراك اللي حضرتك بتغني عليه موجود عازفين، فـ هنضطر وكل العالم بيعاني من إن التحديث دايمًا بيخلي ناس كانت بتشتغل بتقعد، التحديث إنك تلاقي الإيد العاملة عمومًا بتقعد في بيتها، فـ هل حد يرضى كل الناس دي تقعد في البيت، إن احنا نأذي شعبة الموسيقيين.

القرارات الأخيرة بشأن شعبة الراب 

وأضاف مصطفى كامل: الاتفاق الذي لا رجعة فيه، هو إننا نحافظ على الذوق العام، والإقرار والتعهد بالحفاظ على الكلمة المرتبطة، ولن تمر جهاز الرقابة والمصنفات الموسيقية يعني مفيش تاني أي الفاظ خارجة.

وبشأن القرارات النهائية قال: ان يكون عدد الآلات المصاحبة لمغني الراب 6 من العازفين الغربيين.. مع السماح في تشغيل التراك والمؤؤثرات الصوتية.

قرار إيقاف عفرتو 

ويذكر أن نقابة المهن الموسيقية أصدرت خلال الأيام القليلة الماضية برئاسة نقيبها الفنان مصطفى كامل قرارًا بتغريم مطرب الراب عفروتو 100 ألف جنيه، وذلك بعد غنائه بفلاشة دون فرقة موسيقية.