أول تعليق من مروان موسى بعد اجتماع النقابة: كل حاجة بقت تمام.. وبقول للفانز بلاش نشتم

علق مغني الراب مروان موسى على قرارات النقابة بعد عودته من الإجتماع، ووجه رسالة للفانز عبر حسابه الرسمي بانستجرام. 

تحيا مصر يرصد لكم تعليق مروان موسى على قرارات النقابة 

مروان موسى: كل حاجة تمام.. وبقول للفانز اهدوا وبلاش نشتم 

وقال مروان موسى خلال خاصية ستوري بحسابه الرسمي بانستجرام: شبابنا احنا لسه راجعين دلوقتي من النقابة، عايز اقولكم ان كل حاجة تمام وكل حاجة اتظبطت. 

وتابع مروان موسى: والكلام اتصور يعني مفيش مشاكل، ياريت يعني الفانز بتوعنا اهدوا شوية على السوشيال ميديا بلاش نشتم او نقول حاجات غلط، الدنيا خلاص اتظبطت وكل حاجة تمام.

مروان موسى يتصدر التريند بأخر أعماله

ويذكر، أن تصدر مروان موسى تريند موقع الفيديوهات يوتيوب، وذلك بعد طرح أحدث أعماله الغنائية بعنوان “سحمد” على قناته الرسمية بعد أقل من يوم.

وحققت “سحمد” لـ مروان موسى أكثر من ربع مليون مشاهدة على يوتيوب، بعد طرحها بـ 15 ساعة فقط، ومن المتوقع أن تقفز لـ تريند رقم 1 خلال الأيام القادمة.

وجاءت التعليقات راضية عن “سحمد بشكل كبير، حيث قال تعليق: ”مروان موسي من ٢٠١٩ و مؤثر بشكل غير مألوف و مميز في افكار كليباته، تحية كبيرة لمارو".

كلمات “سحمد” لمروان موسى 

الإحتراف بيبقى داخلي وخارجي
يعني بتصحى الساعة تسعة
بتعمل تدريبات الساعة عشرة
بيبقى يوم كامل نظام احتراف

ديه المنطقة اللي بنفرش فيها أرضية
بقى في أي تراك بيبقى في بدايته

بص

Three, two, one
بص، آه

أهلا وسهلا، وسهلا
سبقت فلقت في الزحمة
لو جات على معادنا افسحها
لو جات على العيد افرقعها
مش بسمع العالي من ثلث أرباعها
فبمنع وداني من أربع تربعها
مش هبلع مش بشبع بضطر اقربعها

الناس دي بتشوفني تقول أحمد، السقا
مش سحمد الأءّة

أنا بحلق للحلوة عشان بحلم بالأحلى
في الأولى بتحس بعدم الإهتمام
وتحسب بقى مين إبتدى الساعة كم
وتعمل سيرش في القديم
وتزود البنزين وتسخف الكلام

وأنا كده، كده مان
عالكنبة متابع الماتش
بشرب الساقع مش سامع الرطش
صوتها بيعلى بحاول ما أغلطش