محمود سعد: أحمد زكي طلب الجواز من رغدة وفقد بصره

كشف الإعلامي محمود سعد عن حقيقة زواج أحمد زكي من الفنانة رغدة، وهو الأمر الذي شغل حيز كبير من السوشيال ميديا حتى بعد رحيل الفنان الكبير أحمد زكي.

تحيا مصر يرصد تصريحات محمود سعد عن أحمد زكي. 

محمود سعد ينفي زواج أحمد سعد من رغدة

وقال محمود سعد، في فيديو له، عبر حسابه الشخصي على موقع التواصل الاجتماعي فيس بوك: في يوم أحمد قالي أعمل إيه في الست دي يا محمود، أتجوزها بقا؟، وبدأنا نتكلم شبه جَد، واللي عملته رغدة مع زكي محدش يعمله إطلاقًُا، لو بتقول إنه طلبها للزواج فحصل وأنا شاهد، صحيح متمش بسبب مرضه، لكن رغدة كانت بتعمل لأحمد كل حاجة كزوجة وأم وأخت.

وتابع: زكي قالي أنا مندمتش على حاجة في حياتي غير طلاقي من هالة فؤاد، هي الوحيدة اللي كانت تناسبني، لكن القضاء والعمر خدها.

واختتم محمود سعد حديثه قائلًا: الستات كانت بتحب أحمد، لأنه ودود ومتواضع ومجنون، والجنون بيلفت نظر الجنس الناعم، قصة حبه كانت قمة في الحب والرومانسيي وقمة في العنف، كان عايز واحدة ناضجة وكاملة، واحدة تتفرغ له، لكن معرفش يلاقي ست تناسبه.

وعن فترة مرضه في المستشفى قال: أحمد زكي مينفعش يتحبس في أوضة، كان بيهرب من المستشفى بالليل، وواحد صاحبه بيجي ياخده يتعشى في مطعم ويرجعه تاني، ويصحى الفجر يتمشى في المستشفى لأنه مخنوق، دا كان أصعب من ألم المرض، كنت بحس إنه عايز يكسر الحيطة لأنه مش مستوعب أنه محبوس.

وتابع محمود سعد: أحمد قبل ما يموت بيوم، هيثم وقف جنبه وهو نايم، وقاله متسيبنيش يا بابا أنا محتاج لك، فـ أحمد مسك إيده جامد.. الولد أتجنن وفضل يقول بابا حاسس، ولما الدكاترة دخلوا قالوا مفيش جديد، هي مجرد استنارة فقط بجسده. 

محمود سعد يكشف عن فقدان أحمد زكي لبصره

وأضاف محمود سعد: حكاية فقد أحمد زكي البصر كانت حقيقية، لكن مكنش بيبين للناس، بيفهم أنت فين بالظبط، وبيحس بيك، ويمد إيده في الوقت المحدد، بحيث أنك متحسش بحاجة، وفي اليوم الأخير اللي حصل في الغيبوبة، أحمد كان بيقول لرغدة نزليني أقعد قدام الجامع، أنا برتاح أوي لما أقعد قدام الجامع.