مرتضى منصور: مصر داخلة على مؤامرة.. ومش عايز أكون جزء من الاحتقان الموجود في البلد

أكد مرتضى منصور رئيس نادي الزمالك، أن مصر ستمر بمؤامرات يوم 11 نوفمبر القادم، وأشار إلى أنه لا يود أن يكون جزء من الاحتقان التي تشهده البلاد.

تصريحات مرتضى منصور 

وقال رئيس الزمالك، في تصريحات له عبر قناته الخاصة على موقع “ يوتيوب”: “بلدنا داخلة على مؤامرة كبيرة يوم 11/11، وأنا مش حابب أكون جزء من الاحتقان الموجود في البلد، وده دوري السياسي اللي بعمله في القناة

وعن أزمته مع ممدوح عباس، قال: احنا قدمنا كل الجوابات والمستندات اللي جاية من البنوك، وخطابات النقابة الإدارية والجهاز المركزي للمحاسبات، بأن القرض المزعوم الخاص بممدوح عباس، صرفه قبل كده 4 مرات، ولكن في الأخير تم رفض إلغاء الحجز على أرصدة النادي في البنوك بسببه، واحنا النهاردة آخر الشهر ومحتاجين مرتبات الموظفين والعمال، ويمكن أنا قدرت أتصرف فيما يتعلق بمقدم عقود اللاعبين قبل مباراة السوبر كتشجيع لهم، ولكن هل العمال والموظفين هينزلوا الشارع ".

مرتضى منصور: بتعرض للشتائم من جمهور الأهلي بسبب الخطيب

وتابع موجهاً حديثه لـ أشرف صبحي وزير الشباب والرياضة: “ أنا بتحدى سيادتك، لو فيه أي مستند من اللي قدمته لك مزور، فأنا عايز أتحبس”.

مرتضى منصور يؤكد تعرضه للشتائم من جمهور الأهلي

وقال مرتضى، خلال تصريحاته على القناة الرسمية له على موقع “ يوتيوب”:  أنا بتشتم من الجمهور طوال الـ ٢٤ ساعة من صفحات تابعة لمحمود الخطيب.. وشيكابالا اتشتم في ماتش السوبر بدون أي سبب".

وتابع: “ احنا طلعنا هنينا الأهلي بعد فوزه بالسوبر لأن ده الطبيعي، والفريق مش دايما هيكسب، ومش دايما هيخسر، بس المهم إنك تكون أديت بشرف وجمهورك كان جمهور متحضر، ومقامش بأي أعمال شغب، ولكن ومع الأسف بعض من الجماهير المنتسبة للنادي الأهلي قامت بشتم كابتن الفريق شيكابالا، وده بسبب الخطيب وممدوح عباس".