أنا خجولة جدًا ومش بحب ابقى تريند.. أبرز تصريحات وفاء سالم

تحدثت الفنانة وفاء سالم عن تفاصيل تعرضها لعملية شد عميق في الوجه، وأشياء أخرى، خلال بث مباشر لها عبر حسابها الرسمي بموقع التواصل الإجتماعي فيسبوك. 

تحيا مصر يرصد لكم تصريحات وفاء سالم عبر فيسبوك 

أبرز تصريحات وفاء سالم في البث المباشر 

- أنا شخص خجول جدًا ممكن حد يجي يسلم عليا وشي يحمر

- الطلب عليا مبقاش كتير ونفسي ابقى مشتركة في اعمال فنية

- جروب دوار العمدة من أجمل الجروبات وارقاهم واول امبارح كنت معاهم في رحلة نيلية 

- لو مشتغلتش خالص كفاية حب الجمهور ليا

- انا مش من الناس اللي بحب ابقى تريند 

- انا كان عندي مشكلة واتعرضت لحقن دائم، وقدر الله ما شاء فعل

-انا بقبل أي حاجة بتحصل وبحاول مقعش في الأخطاء دي تاني

- الغلطة مش بتاعتي والواحد لما بيبقى بين ايدين طبيب فاهم وكويس ومختص

-للاسف انا مش بفهم غير ان انا امثل.. ويمكن ساعات الفراغ بيخليني اكتب

- التعويرة دي بسبب ان فلفل قطتي مخربشاني المجرمة

- قبل العملية كنت نفسيًا مش مبسوطة 

- كان في صديد واصل للمخ والشبكية والدكتور فتح في الجزء ده 

- كان عندي خد اكبر من خد 

- مبحبش أكون مش أنا.. أنا عايزة اكون انا

- انا مش ضد التجميل.. والتجميل ده تكنيك معمول في خدمة الجمال 

- التجميل بيحاول يخلي الإنسان جماله طبيعي أو شكله طبيعي على ما هو عليه 

- ساعات بشوف وشوش بلاستيكية وعمر ما كنت طالبة الطلب ده

- انا عايزة ملامحي زي ماهي زي ما انتم حبتوني 

- لما عملت اعمال قبل كده مكنتش راضية عشان مش بعرف احس الإحساس التلقائي 

- كنت بحاول اعبر بلاقي التعبير ضعيف وناقص

أشهر أدوار وفاء سالم “النمر الأسود” 

وعُرفت الفنانة وفاء سالم من خلال فيلم النمر الأسود الذي شاركت فيه برفقة الفنان الكبير أحمد زكي، وتحدثت وفاء عن الفيلم موضحة أنها بعد نجاحه كانت تواجه صعوبات في اختيار الأعمال الفنية.

وكشفت وفاء: أحمد زكي كان عامل زي محمد صلاح، غيّر شباب كتير على الشاشة، لو الفنان ناجح هتلاقي الجمهور بيقلد سلوكه، وشغلتنا اللي أتمناها هي الارتقاء بالذوق العام، دي مهنة الفنان والإبداع.