تارا عماد: أنا اتخرجت ومش مهم ليه بتخرج بعد زمن

أعلنت الفنانة الشابة تارا عماد تخرجها من المرحلة الجامعية، وذلك خلال منشور لها عبر حسابها الشخصي على موقع تبادل الصور والفيديوهات “إنستجرام”.

تحيا مصر يرصد تفاصيل تخرج الفنانة تارا عماد

حيث نشرت تارا عماد صورة لها بـ زي التخرج، وعلقت عليها قائلة: “أنا تخرجت.. قصة طويلة عريضة أنا ليه بتخرج بعد زمن، مش دة المهم، المهم أني اتخرجت واثبت لنفسي أني أقدر أمثل وأذاكر وأنجح وأتخرج”.

وتابعت تارا في منشورها قائلة: “تنويه: دي مش صورتي من التخرج، دي صورة صاحبتي في الجامعة صورتهالي من كام سنة وقالتلي عقبال ما تتصوري يوم تخرجك!.. للأسف متصورتش ولا حضرت حفلة التخرج اللي كانت من شهر كدة عشان الصراحة نسيت أفتح email الجامعة، فسأكتفي بالصورة دي شكراً يا سارة  لولا الصورة دي كنت هتضطر الجأ للفوتوشوب”.

أخر تصريحات تارا عماد التلفزيونية

ويذكر أن الفنانة الشابة تارا عماد قد حلت مساء يوم الخميس الموافق 15 من شهر سبتمبر الجاري ضيفة في برنامج "مساء DMC" الذي يقدمه الإعلامي رامي رضوان ويذاع على شاشة تلفزيون قناة DMC، وفي الحلقة تحدثت تارا عن الكثير من الأمور التي تخص حياتها الشخصية والفنية أيضًا.

ومن أبرز تصريحاتها في الحلقة: “مكنتش خايفة من مسرحية علاء الدين وحبيتها جدا”، “أنا بعشق الأكل المصري وبحب الأكل أوي وبحب أطبخ أكلات كتير وطواجن ودايما بقول أنا لو مكنتش ممثلة كنت هبقى طباخة أو خبازة حتى لما سافرت سيوة اتعلمت أكلاتهم”، “وأنا صغيرة مكنتش فاهمة في المناخ خالص بس كنت واعية على فكرت إعادة التدوير وكدة”.

تصريحات تارا عماد في مساء DMC

“تارا معناها نن العين بالتركي، النجمة اللي في السما بالهندي، بس مامتي سمتني تارا على اسم واحدة صحبتها”، “أنا ممكن أسعى أني أدور على شخص أبقى معاه وأكمل معاه حياتي بس هي لما تبقى مكتوبالي أنها هتيجي هتيجي مهما قعدت أدور”، “بتكسف جدا واتمرنت إني أبقى تمام وكويسة على المسرح بس هو مش سهل خالص يمكن أصعب حاجة إني الواحد يقدم حاجة على المسرح”.