بعنوان "متعملش شبح".. فيفتي يطرح أحدث أعماله الغنائية عبر يوتيوب

طرح مغني المهرجانات فيفتي أحدث أعماله الغنائية بعنوان “متعملش شبح” وذلك عبر قناته الرسمية على يوتيوب. 

تحيا مصر يرصد لكم تفاصيل مهرجان “متعملش شبح” 

مهرجان “متعملش شبح” لـ فيفتي

وروج فيفتي للمهرجان عن طريق طرح مقطع منه وهو يغنيه عبر قناته الرسمية بموقع تبادل الصور والفيديوهات الشهير انستجرام، وعلق: متعملش شبح دلوقتي على يوتيوب. 

ومن المتوقع أن يأخذ المهرجان تريند على يوتيوب خلال الأيام القادمة، وقالت بعض كلمات الأغنية: متعملش شبح عشان اللي جلنا وعمل شبح هنا ادبح. 

فيفتي يتعرض لوعكة صحية

ويذكر، أن أعلن مغني المهرجانات فيفتي عن تعرضه لوعكة صحية، وذلك عبر خاصية ستوري بحسابه الرسمي بموقع تبادل الصور والفيديوهات انستجرام.

وكتب فيفتي عبر انستجرام، معتذرًا عن عدم قدرته على الرد، قائلًا: أنا الحمد لله تعبان جدًا.. أسف عشان قفل رقمي.

وكانت أخر أعمال فيفتي، مهرجان بعنوان “جاي اهزه” بالتعاون مع تافرو، وطرحه قبل 3 شهور عبر قناته الرسمية بيوتيوب.

تفاصيل اجتماع الموسيقيين 

ويذكر أن وجه مغني المهرجانات حمو بيكا رسالة شكر للفنان مصطفى كامل نقيب المهن الموسيقية، بعد مؤتمر نقابة الموسيقين الذى حضره عدد من مطربي المهرجانات لوضع ضوابط لأغاني المهرجانات، وذلك اليوم الأحد الموافق 23 أكتوبر.

وكتب حمو بيكا عبر حسابه الرسمي على موقع التواصل الاجتماعي فيسبوك: "شكرا سيادة النقيب الفنان مصطفي كامل  علي احتوائك لينا كلنا  وشكرا لأعضاء المجلس المحترم  واحنا تحت رقابة النقابة وانشاء الله نبقي عند حسن ظن حضرتكم".

أخر أعمال المهرجانات

وكان تألق حمو بيكا بمهرجان الكون وتقول كلماته:

مفيش رجوله كلكم عالبايظ عشان تعدي هتدي جوايز
كتر الكلام منكم مش عايز خلاص هشيلكم من تفكيري

حرب قطع وشوش لعينه دايره قاعده تلف بينا
احنا فين احنا انتهينا قولي فين الطيبه ياض
في السجون ياما المظالم تيك توك ودي العوامل
هنقول ايه المولى عالم احنا طبعا جوا بخت

رقص وخلاعه الشر صاروخ طيب في وسط الناس هتدوخ
يا مزيفين عاملين لي شيوخ انتم امر من الابالسه
اخطر خطر عالجيل بصراحه اهم حاجه عنده الاصطباحه
انتم سوس ومفيش براحه اللي يعادينا يخلص من جلسه

انتي عشقك ده الكريستال عنها ليلي نهاري بسأل
امتى تكبر امتى تعقل كل يوم تتجن زياده
انتي لوف الكون اميرتي انتي عشقي يا بنت حارتي
لما مره بتيجي سيرتي لازم اشعر بالسعاده

مبقتش باقي على اي صحاب اصحى الكلام ويايا بحساب
مصاحبكم هاخد فيكم ثواب بس خلاص عنكم راح اتوب
شقيان طالع من الدنيا بطولي محسود زياده ليه بتبصولي
هتروحوا فين اخلعوا هتجولي ومن اللي جاي انا مش مرعوب