ميار الببلاوي عن مشاهدها الجريئة: كانت في نهار رمضان وكنت عايزه أصورها وأنا مش صايمة

تحدثت الفنانة ميار الببلاوي عن مشاهدها الجريئة التي قامت بـ أدائها خلال مسيرتها الفنية، والذي كان أشهرها مشاهدها مع الفنان عمرو عبد الجليل في فيلم ديسكو ديسكو.

تحيا مصر يرصد في ذلك التقرير تصريحات ميار الببلاوي عن مشاهدها الجريية

تصريحات ميار الببلاوي عن مشاهدها الجريئة

قالت ميار الببلاوي اثناء حلولها ضيفة على برنامج “قعدة ستات”، المذاع على قناة القاهرة اليوم، متحدثة عن مشاهدها الجريئة في فيلم ديسكو ديسكو: "الفيلم كله معظمه اتصور في رمضان، وأنا عندي عقدة من التصوير في رمضان رغم أني كنت شابة ولسه بلبس وكده".

ميار الببلاوي: مكنش عايزة ألبس مايوه وايناس الدغيدي مرمطتني

وتابعت: “مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني”.

واضافت: “لكن مشهدي الجرئ مع عمرو عبد الجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنيه بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت”.

ميار الببلاوي: نجلاء فتحي قالتلي رمضان ده معملول عشان الفقراء مش للناس العادية

واستكملت ميار الببلاوي حديثها، قائلا: “لما رفضت تصوير مشاهدي الجريئة مع عمرو عبد الجليل، في رمضان قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني”.

واختتمت:  يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان.

أزمة ميار الببلاوي مع شيرين عبد الوهاب

جدير بالذكر، أنه تعرضت ميار الببلاوي لـ أزمة قوية بسبب مهاجتها وتنمرها على وزن الفنانة شيرين عبد الوهاب الزائد، اذ قالت في فيديو عبر حسابها بموقع فيسبوك:  “شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم، اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. انتي مش ملك نفسك وملك الجمهور، وانتي مثل أعلى لبناتك”.