منال عبد اللطيف: بنتي السبب في زواجي .. وطليقة جوزي كانت قاعدة معايا في البيت

كشفت الفنانة منال عبد اللطيف تفاصيل عن حياتها الشخصية وعن زواجها، كما تحدثت عن علاقتها بطليقة زوجها قبل وفاتها.

تحيا مصر يرصد لكم تصريحات منال عبد اللطيف في برنامج كلام الناس

تصريحات منال عبد اللطيف في كلام الناس

وقالت منال عبد اللطيف خلال استضافتها في برنامج كلام الناس الذي يُعرض عبر قناة أم بي سي مصر وتقدمه الإعلامية ياسمين عز أنها كانت لا تُفكر في الزواج وتفكر في ابنتها وحياتها وعملها فقط.

وتابعت: وقابلت حازم وحصلت كيميا بينا لكن كنت رافضة موضوع الجواز وفرح بنتي اتعرفت على حازم  واتعرفت على بنته وحبوا بعض.

وأضافت: حازم زوجي قال لفرح بنتي أنه عايز يتجوزني وماما رافضة وانا هبقى باباكي وشوفي اوضتك حلوة أوي وهنعيش سوا.

وأضافت: فرح جت قالتلي يا ماما أنا بحب بابا حازم ونفسي أعيش معاهم في البيت ووافقي عشان خاطري ووافقت.

واستكملت: حازم شايلها الموضوع ده لغاية دلوقتي ومفيش فرق بين التلت بنات في البيت  وانا بشكره وبشكرني لان في بينا احترام ومودة وحب.

منال عبد اللطيف: كنت على تواصل مع طليقة زوجي

وقالت: التلت بنات بالنسبالي هما كل حاجة في الحياة ولما مريم أبنه جوزي جت تعيش معانا بقى عندي 3 بنات، لأن مامت مريم كانت غاليه عندي أوي الله يرحمها وكنت بحبها جدًا.

وكشفت منال أنها كانت على تواصل دائم مع طليقة زوجها مُنذ بداية زواجها من حازم، موضحة أنها كانت تعيش معاهم قبل وافتها وقالت: جيراني كانوا مستغربين أن طليقة زوجي قاعدة معايا في البيت بس أنا مش ببص على المسمى.

منال عبد اللطيف: كنت أعيش أنا وطليقة زوجي بنفس المنزل

وتابعت: طليقة حازم كانت تحتاج للرعاية قبل وفاتها وكانت مش مصرية ومكنتش تعرف حد في مصر ومكنتش حابة ابنتها مريم تبقى لوحدها مع والدتها في الوقت ده.

وأضافت: بعد ما توفت والدة مريم بقيت أعتبر التلاتة عندي واحد وبعاملهم نفس المعاملة، وأصبحت مسئولية البنات التلاتة في إيدي أنا.

منال: لست من هواة المطبخ

وكشفت منال أنها ليست من هواية المطبخ ولا تحب أن تطبخ إلا أذا شعرت بالحب وقالت: الست تحضر لجوزها الغدا عادي وأنا مع أن الست تقوم بكل واجباتها بمنتهى الحب لكن بعيدعن الأجبار.

لترد ياسمين قائلة: الغدا مفيهوش حب ده اوردر طالما في بيت وزوج يبقى فيه غدا ..بالحب الدنيا هتبوظ، والست المفروض تحب بيتها طول الوقت ولكن  لو سيبت موضوع أن هي تطبخ بحب ولو هي جت يوم ومش على بالها الحب يبقى مش هتطبخ الطبخ ده لازم يكون أساسي في الحياة ومن واجبات الزوجة.