محمد نور: أحمد السقا كتبلي أغنية واديت رامي جمال 1000 جنيه عشان يلحنلي

تحدث كل عضو من أعضاء فريق واما الغنائي، عن بدايتهم الفنية في عالم الغناء والتحلين كلا منهما على حدى، وذلك خلال حلولهم ضيوف على برنامج “أنغام”، الذي تقدمه المطربة أنغام على قناة dmc.

تحيا مصر يرصد في ذلك التقرير تصريحات واما في برنامج أنغام

أحمد فهمي: أغينة فيلم تيتو من أكتر الأغاني اللي بحبها

قال أحمد فهمي خلال البرنامج: “بدأت بـ أغنية ياليل وكتبتها ولحنتها، وكنت بحط فيها أي حاجة وليل، وعملت وحلفت أصدق ولحن، والأغاني اللي انا بحبها كتابة كانت أغنية فيلم تيتو، وأنا كنت مدي الاسكريبت لـ ناس جامدين من الشعراء، وبعدين قولت أجرب ودي كانت أول مرة أعمل فيها كدة”.

محمد نور: عملت أول ألبوم ليا مع طارق العريان

بينما قال محمد نور متحدثا عن بدايته: “في 2006، كنت بتكلم مع طارق العريان  في أغنية واتكلمنا في سعر شامي اعترض عليها وقال سعر أزيد، فطارق مشاهم وقالي عايزك تعمل الألبوم لوحدك وقولتلهم هيزعلوا، وبعدها عملت ودي كانت أول مرة”.

محمد نور: أحمد السقا كتبلي أغنية واديت رامي جمال ألف جنيه عشان يلحنلي 

وتابع محمد نور حديثه، كاشفا عن كتابة السقا أغنية له: “أحمد السقا كان كاتبلي أغنية وبعد ما عملتهاله كان مبسوطة بيها جدا، ورامي جمال لحنلي غنوة حياتي واديته في الغنوة دي 1000 جنيه، وقولته لو ربنا كرمنا ونجحنا هديك باكو تاني لو منجحناش مش هديك حاجة”.

أعضاء واما يتحدثون عن بداية الفريق

وكان قد تحدث أحمد فهمي عن بداية واما، فقال:  بدأت أنا وشامي شغلنا في البداية مع راقصة، وكنا بنروح لواحد في قهوة في العتبة، وكان بياخدنا أفراح نغني فيها لغاية ما الراجل مات.. أحنا بنجيب أجل أي حد، اتعرفنا على واحد اسمه عبده فون وكان عازف كامانجا وروحنل لهندية في فندق في الزمالك وكنت لابس جاكت بدلة أبويا وكان كبير عليا لأني مكنش عندي بدلة.

وقال محمد نور: أحمد خدني معاه أول يومين وبعدين اعتزلت هندية وكنا بناخد مع هنديه 50 جنية، واشتغلنا مع ابراهيم راضي وكان عنده موهبة كبيرة جدًا لكنه كان عصبي، وكنا بنعمل 10 ألحان في يوم واحد.