أحمد فهمي: نادر حمدي مكنش بيغني في فريق واما وأنا ونور كنا بنحب نفس البنت

تحدث أعضاء فريق واما  المكون من النجوم محمد نور وأحمد فهمي ونادر حمدي والشامي، عن بعض الأسرار في حياتهم الشخصية وذلك خلال ضيافتهم في برنامج أنغام.

تحيا مصر يرصد في ذلك التقرير تصريحات فريق واما في برنامج أنغام

تصريحات فريق واما في برنامج أنغام

تحدث نادر حمدي عن عمله في البيانو ومجال التلحين والتوزيع، فقال: “كنت بذاكر بيانو وكنت بدرسه في مدرسني، وكنا بناخد أوبرا عايدة  بالساعة”.

نادر حمدي: والدي كان المرجع بين ايمان البحر دوريش وحسن البحر دوريش

وتابع نادر حمدي حديثه: "والدي كان المرجع بين ايمان البحر دوريش وحسن البحر دوريش، وأما جبت الأورج كنت جايبه عشان أعمل أغاني مع فريق واما، ومكنتش معاهم مغني في الفريق أنا كنت صديق فكنت بوزعلهم بس".

وكشف أحمد فهمي عن أسرار في حياة أعضاء فريق واما، فقال:: شامي كان بيغني راب، وبعدين جه وشوفنا موهبته فكنا بنقوله تعالي لحن تعالى إعمل كذا لحد ما غنى، لكن نادر كان  دخل في قصة حب وقولناله تعالى غني معانا اغنية معينة وهو كان عايز يغنيها عشان يوجها للبنت اللي بيحبها ومن هنا اكتشفنا انه صوته حلو"

وتابع احمد فهمي متحدثا عن صداقتها بـ محمد نور، فقال: في اغنية عملناها وكنت  وقتها أنا ونور بنحب نفس الشخص، كانت بنت ضاحكة علينا احنا الاتنين ومكناش نعرف".

أخر أعمال واما

من ناحية أخرى،  كانت أخر أعمال فريق واما الغنائية، طرحهم لـ أغنية "نجمة معدية", التى حققت نجاحًا كبيرًا منذ طرحها  عبر موقع الفيديوهات الشهير يوتيوب، والتي أتت كلماتها: "لا لا لا لا، طلعت على الصحراوي بالعربية ماشية ماشية بالعربية، عدت من جنبها عربية مشغله مزيكا أوربية، عالي الجو الجو الجو عالي الجو الجو، من دي ضربة النور العالي تعدي هي بتجري وكلوا يهدي، يا أرض اتهدي ما عليكي قدي، وشوف الحلو أما بيحلوا، عالي الجو الجو الجو عالي الجو الجو، نجمه معدية ودي غير الكل معدية، دي قمر بيطل على العالم، ومحدش عارف مين ديه، نجمه معدية ودي غير الكل معدية، دي قمر بيطل على العالم ومحدش عارف مين ديه".