بعد طلب متابعة سيارة.. بدرية طلبة ساخرة: أنا مش توكيل هوندا

كشفت الفنانة بدرية طلبة عن طلبات متابعيها، حيث طلبت إحدى متابعيها سيارة للذهاب بها إلى الجامعة، ومن ثم ردت عليها طلبة في جو من الدعابة.

تحيا مصر يرصد لكم طلبات متابعي بدرية طلبة منها وردها عليهم 

بدرية طلبة: أنا مش توكيل هوندا 

ونشرت بدرية طلبة رسالة من إحدى متابعيها، عبر حساباتها بمواقع التواصل الإجتماعي، والذي كان محتواه: أنا نفسي يكون عندي عربية أروح بيها الجامعة حتى لو عربية مُستعملة، ده حلمي ممكن تساعديني.. حلمي من زمان أروح الجامعة بعربيتي.

وعلقت بدرية على هذا الطلب، قائلة: بتجيلي طلبات تدهشني زي مثلًا، واحدة طلبت 15 مليون تسددهم للبنك، لأنها واخدة قروض هي وإخواتها يعملوا مشروع، والمشروع فشل وخسروا فلوسهم، والبنك أخد حُكم عليهم.

وتابعت بدرية: التمست لها العذر، لأنها غرقانة والغرقان بيدور على قشاية زي ما بيقولوا، وطبعا أنا ولا رديت عليها، لأن اللي يفك كرب حد مش حيفكه بالرقم دا.. دا لو كان معايا أصلًا.. لكن واحدة زي دي لما تطلب طلب زي ده، هنا بقي الاندهاش زاد جدًا.. عربية أيه حضرتك، حضرتك أنا بدرية طلبة مش توكيل هوندا.

بدرية طلبة ترد على مهاجمي منى فاروق 

ويذكر، أن دافعت بدرية، عن الفنانة منى فاروق ضد منتقدي أدائها مناسك العمرة وظهورها بالحجاب.

وهاجمت بدرية طلبة أحد متابعي فاروق عبر موقع تبادل الصور والفيديوهات القصيرة إنستجرام قائلة: "ممكن تقول لها ربنا يتقبل لكن اللي زيك الحقد عامي عينه".

وعلى متابع آخر قالت: "ربنا سترك مفيش حد معصوم.. بلاش تعمل فيها نبي وولي من أولياء الله الصالحين".

تصريحات بدرية طلبة في البخت

وكانت فجرت بدرية طلبة عدد من التصريحات النارية خلال حلولها ضيفة على برنامج البخت وهي كالآتي:

- البوتوكس أمر مفروغ منه لينا عشان العلامات والخطوط

- عندي هالات سودا مرضية بسبب الغدة

- وأي عملية تجميل عند الهالات بعملها

- أي حاجة لعنيا جاية فيها وحطيت فيلر بقيت شبه السيد قشطة

- قولت للدكتور الحقني ده مش انا.. انا منفوخة

- أنا عاملة ميكروبليدنج والستات كلها عاملينه

- عملت شد جفون عشان هيقلل من الهالات السودا

- هعمل كرشي قريب عشان كأني حامل في توأم

- شفايفي أمنية حياتي اشفطرها عشان معنديش شفايف.. وصوري القديمة تشهد ان مفيش شفايف، وبعمل محاولات وتنزل تاني، ودكتورة صديقتي قالتالي ممكن تفصلي البلازما وتحولها لـ فيلر وعملتها.

- حطيت فيلر قبل كده للهالات السودا بقيت شبه السيد قشطة، وقولت للدكتور الحقني ده مش انا، انا منفوخة