درة: اول عمل اتعرض عليا كنت 13 سنة.. وبعتز بشغلي مع محمد سامي

كشفت درة تطورات دخولها الفن من بداية رفض والدها، حتى أعمالها الضخمة وعملها مع المخرج محمد سامي، وذلك خلال لقائها ببرنامج حبر سري.

تحيا مصر يرصد لكم تصريحات درة عن رفض والدها دخولها الفن وعملها مع محمد سامي

درة: اقنعت بابا ادخل الفن بسياسة المراحل

وقالت دورة: اقنعت بابا بدخولي الفن بتتبع سياسة المراحل وكان متخوف من الموضوع، وهو كان بيحب الفن جدًا ونشأت في بيت بيحبوا يسمعوا طرب، لكن كان خايف عليا، واول فيلم اتعرض عليا كنت 13 سنة لكن هو موافقش، لكن بدأت في الجامعة اعمل مسرح، ووافق شوية، وبعدين اترشحت في اعمال وتقبل لما كنت حابه، ولما بدأت انجح واتحب من الناس، اتطمن اكتر وكان واثق فيا وبقى فرحان بيا.

درة: بعتز بشغلي مع محمد سامي

وتابعت درة عن أول أعمالها مع محمد سامي: مسلسل ادم كان اول مسلسل اخراج محمد سامي وبعتز بشغلي معاه، وتامر حسني من النجوم اللي بحب اشتغل معاه، وبابا كان بيحبه اوي، وبيحب مسلسل الريان، وسجن النسا عجبه جدًا.

وعن الهجوم الذي يتعرض له محمد سامي، قالت: النجاح بيعمل دايمًا قيل وقال، ومحدش هيعرف يرضي الجميع، عشان محمد سامي ومحمد رمضان شخصيات بتواجه، ومحمد سامي شغله كويس، وجوزي بيحبلي دور عيشة في تصبح على خير.. ومحمد سامي بيخلص لشغله وبيحبه اوي.

درة عن تصريحها بشأن الشليلة: 10% بس بتعتمد عليها لكن مش كلها

وأردفت درة: انا شغلي مالوش علاقة بصداقاتي، وبيجيلي تليفون من ناس معرفهومش مترشحة لدور، والشلالية موجودة في كل المجالات، وممكن نقول انهم 10% بس.
وعن مدى موافقتها على زواج زوجها من أخرى، قالت: قانون بلدي بيرفض زواج جوزي من حد تاني.

درة: اتمنى اكون موجودة في السينما التونسية

واختتمت درة كلامها: اتمنى اكون موجودة اكتر في السينما التونسية لكن الإنتاج كعدد مش غزير، وشغلي في مصر طغى على وجودي في مصر، لكن عملت مسلسلات دراما في تونس زي المايسترو، ليلة الشك، مكتوب.. لكن بحس اني محققتش اللي انا عايزة احققه هناك.