تامر أمين معلقا على رفع سعر الفائدة: عايز أقولكم حاجة بس هتشتموني.. فيديو

علق الإعلامي تامر أمين، على قرار البنك المركزي بشأن تحرير سعر العملة، قائلًا:"هو ده السعر اللي كان في السوق السوداء".

تحيا مصر

وأضاف الإعلامي تامر أمين، خلال حلقة اليوم من برنامجه "آخر النهار"، المذاع على فضائية "النهار"، مساء اليوم الخميس،:"بدل ما كنا بنلعب بموضوع الدولار تحت الترابيزة بقينا بنلعب فوق الترابيزة، وبعد ما كنا مش باينين وبقينا مكشوفين".

تامر أمين: خلاص بقينا مكشوفين

وتابع:"الدولة تركت الدولار والجنيه لفكرة العرض والطلب، وتطلع زي ما تطلع، وإحنا كنا عارفين إنه طالعة بس كنا بنضحك على نفسنا".

وواصل: "الوضع كان خاطئ واللي حصل تصليح للوضع، ما حصل في تركيا كده وسابوا الليرة وحرروها، كانت الليرة بـ 3 دولار، بقى الدولار بـ 18 ليرة، "، معقبا: "هذه السياسات ستؤتي ثمارها، وتؤكد على التعامل بشفافية، وبقولكم أبشروا".

وعن احتمالية ارتفاع سعر الدولار، قال: "من التجارب إن الدولار مش هيفضل كده، من رأيي إن الأمور هتستقر في الأسبوع الأول من نوفمبر، وممكن ينزل بس مش هيطلع تاني".

تامر أمين: المفروض ميحصلش زيادة في الأسعار

وأكمل:"المفروض ميحصلش زيادة في الأسعار، اللي ممكن يرتفع بس الحاجات المستوردة لكن المصري لا، الأسعار بتزيد لما السولار والبنزين يزيدوا بس

وأردف:" الجميع خائف من تحرك الأسعار، بعد ارتفاع سعر الدولار، مؤكدًا :" هقول ليكم حاجة وممكن تشتموني ، مش عايز ضرب، بس هى حقيقة، وأن الأسعار لن ترتفع".

ونوه الإعلامي، بأن 90% من البضائع الموجودة فى مصر سلع مصرية، ولا يوجد أشياء من الخارج كثيرة، المستورد ممكن 10 %، معقبا:" السلع المصرية مميزة وبجودة عالية، ولذلك على الجميع الاتجاه لـ السلع المصرية الجيدة".

وأنهى بالقول:" السلع من الممكن أن ترتفع عندما يكون هناك ارتفاع فى البنزين والسولار، ولكن البنزين و السولار كما هو فلا زيادة فى أسعار السلع مطلقا بعد تحرير سعر الدولار".