درة عن تصريح علا غانم "مينفعش ممثلة تاخد 6 أعمال في السنة”: كل واحد يقول اللي عايزة.. واستغربت منه

علقت الفنانة درة على تصريح سابق للفنانة علا غانم، خلال حلقتها ببرنامج حبر سري الموسم الثالث، مع الإعلامية أسما إبراهيم.

تحيا مصر يرصد لكم تعليق درة على تصريح سابق لـ علا غانم وذلك خلال السطور القادمة 

درة ترد على تصريح علا غانم “مينفعش ممثلة تاخد 6 أعمال في السنة”

وقالت درة: الأرزاق دي بتاعت ربنا، ومبحطش الحسد في دماغي، وانا كنت في فترة انتشار اكتر وفي البدايات لازم تشتغلي كذا حاجة، وانا مكنتش بعمل اي حاجة وخلاص، وكل واحد يقول اللي هو عايزة، وبحاول تكون نيتي صافية، ومبردش على حد، لكن استغربت لأن هي ممثلة كويسة وليها بصمتها ومش محتاجة تقول كده.

درة: ضد تعميم إن كل الرجالة خاينين 

وعن رأيها في مقولة “كل الرجالة خاينين”، قالت: أنا ضد التعميم، وكل حد وظروفه وفي حد سعيد وحد مش سعيد، وفي حد خاين بطبعه، وهما بيميلوا للخيانة، وأنا اتخانت من أصدقاء بس مش بنسبة كبيرة، بس توجع طبعًا.. وأنا مؤمنة بـ “اعتزل ما يؤذيك” مهما كانت العشرة، وأنا آه يمكن بسامح لكن لو حد قاصد يأذيني يبقى خلاص، عشان متهونش عليا نفسي.

وتابعت عن رأيها في التعدد: كل واحدة ليها ظروفها، ولو اتنين بيحبوا بعض وسعداء في حياتهم ده كفاية، واحنا قانوننا في تونس يمنع ده.

درة عن عدم حضور عائشة بن أحمد في زفافها

وكشفت درة سر عدم حضور عائشة بن أحمد في حفل زفافها، قائلة: مش قاصدة، والفرح كان مش كبير عشان فترة كورونا، وعزمت كتير من بلدي ومقدروش يجوا زي هند صبري، وظافر ولطيفة، ويمكن سهوًا إن أنا معزمتهاش، عشان ساعات بتنسي حد، وأنا معرفتش اقول لكل الناس وقولت للي بشوفهم اكتر.

وقد تألقت عائشة في بطولة مسلسل وعد إبليس أمام الفنان عمرو يوسف الذي يجسد دور زوجها “إبراهيم”، وتجسد عائشة دور “زينة”، التي يحبها أحد المجندين للشيطان، والذي يبدأ في تجنيد من حولها من خلال توقيع عقدًا مع إبليس، والذي يجسد دوره الفنان فتحي عبد الوهاب والفنان أحمد مجدي.