أحمد فهمي: بدأنا العمل مع راقصة واتطردت من الكورال بسبب البنطلون

كشف الفنان أحمد فهمي عضو فريق واما عن كواليس مشاركته في الكورال منذ الصغر، كما تحدث حمدي عن كواليس أغنية يا غالي عليا.

تحيا مصر يرصد لكم تصريحات فريق واما

وقال أحمد فهمي خلال استضافة فريق واما في برنامج أنغام الذي تُقدمه أنغام عبر قناة دي أم سي: احنا بنكتب أغاني بتتكلم عن حياتنا، وأغنية ليل وشوق ونجوم كان في بنت أحمد شامي بيحها ومكنش عارف يشوفها وأنا كتبتله الأغنية دي

وتابع فهمي: شاركت في الكورال وأنا صغير وجيت في فترة في عمري طولت جدًا وكان لبس الكورال مش بيتغير وكان بنطلون لونه لبني وقميص، وكان في عيد طفولة ولبست البطلون وكان قصر عليا جدًا والدكتور رفضتني وطردتني من الكورال.

واما يبدأ عمله الفني مع راقصة

وكشف: بدأت أنا وشامي شغلنا في البداية مع راقصة، وكنا بنروح لواحد في قهوة في العتبة، وكان بياخدنا أفراح نغني فيها لغاية ما الراجل مات.. أحنا بنجيب أجل أي حد.

وأضاف: اتعرفنا على واحد اسمه عبده فون وكان عازف كامانجا وروحنل لهندية في فندق في الزمالك وكنت لابس جاكت بدلة أبويا وكان كبير عليا لأني مكنش عندي بدلة.

وقال محمد نور: أحمد خدني معاه أول يومين وبعدين اعتزلت هندية وكنا بناخد مع هنديه 50 جنية.

وتابع: اشتغلنا مع ابراهيم راضي وكان عنده موهبة كبيرة جدًا لكنه كان عصبي، وكنا بنعمل 10 ألحان في يوم واحد.

أغنية يا غالي عليا

وكشف حمدي عن كواليس أغنية يا غالي عليا وهي من ألحان عمرو مصطفى، وكلمات أيمن بهجت قمر، وقال حمدي: قعدت مع عمرو 10 سعات عشان نطلع أغنية يا غالي عليا ومكنتش راضية تظبط معايا وهو قفل الجيتار وماشي كان بيدندن وقولتله تعال وسمعناها لإيمن بهجت وعجبته وكمل عليها.

وتابع: بسيب صوت عمرو في الأغنية وصوته مميز وبحب صوته وتوزيعها الموسيقى أتعمل الأول.

أغنية مش حلوة

وكان فريق واما طرح مؤخرًا أغنية مش حلوة والتي حققت نجاحًا كبيرًا فور طرحها عبر قناتهم بموقع الفيديوهات الشهير يوتيوب، وهي من كلمات وألحان عزيز الشافعي، وتوزيع توما.