إيمان أيوب: زوجي بيحب طليقي جدًا.. وهذا هو سبب انفصالي عن أبو بنتي

تحدثت الفنانة إيمان أيوب عن سبب أنفصالها عن زوجها المخرج تامر سامي، وكشفت عن علاقتهما التي مستمرة إلى الآن على الرغم من زواجها من شخص آخر.

تحيا مصر يرصد لكم تصريحان الفنانة إيمان أيوب في برنامج كلام الناس

وقالت إيمان أثناء أستضافتها في برنامج كلام الناس الذي يُعرض عبر قناة أم بي سي وتقدمه الإعلامية ياسمين عز: زوجي السابق المخرج تامر سامي ، وزوجي الحالي المهندس ياسر حسين كانوا متواجدين في خطوبة عائشة أبنتي، وده شئ طبيعي جدًا، أنا بحترم أبو بنتي جدًا وعلافتي بيه وبعائلته طيبة، وبنجتمع دايمًا.

وأضافت: ياسر جوزي بيحب عائشة جدًا وبيحب تامر وعلى تواصل معاه وقال في خطوبة عائشة  اقفي مع سيف وعائشة واندهي تامر يتصور معاكوا.

وتابعت: الزواج والطلاق نصيب وكل شئ مكتوب الحياة قصيرة ولازم نفتكر لبعض الحاجات الكويسة، لأن الأبناء اللي بيدفعوا تمن مشاكل الأباء.

إيمان أيوب:  في حاجات بين إي اتنين متجوزين لو حصلت لازم ينفصلوا 

وأضافت: في حاجات بين إي اتنين متجوزين لو حصلت لازم ينفصلوا  زي كتر الخناقات في البيت بيدمر الطفل، والاحترام لازم يبقى متبادل  وممكن الانسان قلبه يميل لحد تاني ولو جه قالي أنا هنسحب  وأنا كزوجه لو قلبي مال لشخص تاني هروح أقول لجوزي انا مش عايزة أكمل معاك.

إيمان أيوب تكشف سبب انفصالها عن زوجها

وعن سبب انفصالها عن زوجها تامر سامي قالت: أنا وجوزي انفصلنا بعد ما وصلنا لمرحلة أننا مش متفاهمين ومبقناش نتصالح ،وكنا بنتخانق كتير جدًا وعائشه قالت يا ماما أنتوا مش هينفع تكملوا مع بعض أنا مش هصحى كل يوم على خناقتكوا.

واستكملت: اتطلقنا المرة الأولى ورجعنا وبعدين اتطلقنا تاني بعد ما أدينا بعض فرصه تانية ولكن فضلنا أصدقاء وبنسأل على بعض ومش بنكره بعض خالص.. وأنا بعتزل ما يؤذيني وبسحب نفسي في هدوء.

إيمان أيوب تُحضر لتقديم برنامج

وكشفت إيمان أنها اعتذرت عن تقديم إحدى المسرحيات، ولكنها حاليًا تُحضر لبرنامج جديد سيكون من تقديمها وسيكون مختلف وبه استعراضات وغناء موضحة أنها لا تحب نوعية البرامج التي تنحصر حول محاورة المذيع للضيف فقط.